சினிமாவின் முதுகெலும்பு எது - எஸ்.ஆர்.பிரபு பேச்சு

விக்ரம் பிரபு,  விதார்த்,  ஸ்ரீ,  உள்ளிட்ட பலர் நடித்துள்ள படம் இறுகப்பற்று. யுவராஜ் தயாளன் இயக்கி இருக்கும் இப்படத்தை எஸ்.ஆர்.பிரபு தயாரித்துள்ளார். வரும் வெள்ளியன்று வெளியாக உள்ள நிலையில், படக்குழுவினர் பத்திரிகையாளர்களை சந்தித்து படம் குறித்த தங்களது அனுபவங்களை பகிர்ந்து கொண்டனர். விழாவில் எஸ்.ஆர் பிரபு பேசுகையில், என் மனைவிக்கு இந்த படத்தை போட்டு காட்டினேன். நீங்கள் பார்த்து விட்டீர்களா என கேட்டபோது ஆம் என்றேன். அப்ப ஏன் இன்னும் திருந்தாமல் இருக்கிறீர்கள் என என்னிடம் கேட்டார். அப்போதே இந்த படத்தின் மீது நம்பிக்கை வந்து விட்டது என்றார். சிறு பட்ஜெட் படங்கள் இப்போது அதிகம் வருகின்றன, இதனால் தொழிலாளர்களுக்கு அதிக வருமானம் கிடைக்கிறது. சிறுபடங்கள் தான் சினிமாவில் முதுகெலும்பு. அதுக்கு எதிராக சொல்லப்படும் கருத்தில் எனக்கு உடன்பாடு இல்லை என்றார்.