ஸ்டுடியோ சக்தி புரொடக்ஷன்ஸ் சார்பில், B.S.ராதாகிருஷ்ணன் தயாரிப்பில்,  மிலிந்த் ராவ் இயக்கத்தில், ஆர்யா நடிப்பில், ஹாரர் திரில்லராக உருவாகியுள்ள தி வில்லேஜ் நவம்பர் 24  ஆம் தேதியன்று வெளியாகிறது. “தி வில்லேஜ்” சீரிஸின் டிரெய்லர் வெளியீட்டு விழா சமீபத்தில்  நடைபெற்றது. இவ்விழாவில் கலந்து கொண்ட, பிரைம் வீடியோ இந்தியா & தென்கிழக்கு ஆசியா, தலைவர் அபர்ணா புரோஹித் பேசியதாவது.. இந்த சீரிஸ் ஒரு மறக்க முடியாத பயணம். மிக உணர்வுப்பூர்வமான பயணம். 4 வருடங்கள் முன் ஆரம்பித்தது. முழுதாக எழுதி முடிக்க 2 வருடங்கள் ஆனது என்றார். பின்னர் ஆர்யா பேசியதாவது, இது முழுக்க முழுக்க வித்தியாசமான கான்செப்ட், அதை நம்பித்தான் நான் வேலை செய்தேன். நரேன் சாருடன் சேர்ந்து என் குழந்தையையும், மனைவியையும் தேடுவது தான் கதை. ஆனால் நிறைய சப் பிளாட் இருக்கும். ஒவ்வொரு எபிஸோடும் நீங்கள் அடுத்து என்ன என்று எதிர்பார்க்கும் வகையில் நிச்சயம் இருக்கும் என்றார்.