முக்கிய செய்திகள்
Idhayam Matrimony

குற்றச்சாட்டை நிரூபித்தால் பதவியில் இருந்து விலக தயார் : ராமதாஸ், அன்புமணிக்கு தி.மு.க. எம்.எல்.ஏ.க்கள் சவால்

சனிக்கிழமை, 22 ஜூன் 2024      தமிழகம்
Udayasuriyan 2024-06-22

Source: provided

சென்னை : எங்கள் மீது கூறியிருக்கும் பொய்யான குற்றச்சாட்டை நிரூபித்துவிட்டால் நாங்கள் பொதுவாழ்வில் இருந்து விலகத் தயார் என்று பா.ம.க. தலைவர்களான ராமதாஸ் மற்றும் அன்புமணி ராமதாஸ் ஆகியோருக்கு தி.மு.க. எம்.எல்.ஏ.க்கள் சவால் விடுத்துள்ளனர். 

 கள்ளக்குறிச்சி மாவட்டம் சங்கராபுரம் சட்டமன்ற தொகுதி தி.மு.க. எம்.எல்.ஏ. உதயசூரியன் நேற்று செய்தியாளர்களை சந்தித்தார்.  அப்போது கள்ளக்குறிச்சி கருணாபுரத்தில் நடந்த விஷ சாராய உயிரிழப்புகள் மற்றும் அது தொடர்பான எதிர்கட்சியினரின் குற்றச்சாட்டுகள் குறித்து செய்தியாளர்கள் கேள்வி எழுப்பினர். இதற்கு பதிலளித்தபோது அவர் கூறியதாவது,

தி.மு.க. எம்.எல்.ஏ. வசந்த கார்த்திகேயன் மீதும், என் மீதும் பா.ம.க. நிறுவனர் டாக்டர் ராமதாஸ் மற்றும் அவரது மகன் அன்புமணி ராமதாஸ் ஆகியோர் அபாண்டமான குற்றச்சாட்டை முன்வைத்துள்ளனர். நான் மூன்று தலைமுறையாக அரசியல் பாரம்பரியம் கொண்ட குடும்பத்தைச் சேர்ந்தவன். 

5 முறை எம்.எல்.ஏ.வாக இருந்திருக்கிறேன். அதே போல் வசந்த கார்த்திகேயனின் தாயார் ஊராட்சி ஒன்றிய தலைவராக இருந்தவர். வசந்த கார்த்திகேயனும், நானும் மாவட்ட செயலாளர்களாக இருக்கிறோம். ராமதாஸ் தற்போது சி.பி.ஐ. விசாரணை வேண்டும் என்று கேட்கிறார். 

மத்தியில் அவர் சுகாதாரத்துறை அமைச்சராக இருந்த போது மருத்துவக் கல்லூரி ஊழல் வழக்கில் சி.பி.ஐ. விசாரணை வேண்டாம் என்று கோர்ட்டுக்கு சென்றார். கள்ளக்குறிச்சி விஷ சாராய விவகாரத்தில் முதல்வர் மு.க.ஸ்டாலின் உடனடியாக நடவடிக்கை எடுத்து அமலாக்கத்துறை கூடுதல் டி.ஜி.பி.யை மாற்றியிருக்கிறார். 

மாவட்ட கலெக்டர் பணியிட மாற்றம் செய்யப்பட்டுள்ளார். மாவட்ட எஸ்.பி. சஸ்பெண்ட் செய்யப்பட்டுள்ளார். பத்துக்கும் மேற்பட்ட காவல்துறை அதிகாரிகள் மீது நடவடிக்கை எடுக்கப்பட்டுள்ளது. பா.ம.க.வின் கூட்டணியில் இருக்கும் பா.ஜ.க. ஆட்சி செய்யும் மாநிலங்களில் கள்ளச்சாராயத்தால் நூற்றுக்கணக்கானோர் உயிரிழந்திருக்கிறார்கள். 

அங்கெல்லாம் எடுக்கப்படாத நடவடிக்கைகளை தமிழக முதல்வர் மு.க.ஸ்டாலின் 24 மணி நேரத்தில் எடுத்திருக்கிறார். ராமதாஸ் மற்றும் அன்புமணி ராமதாஸ் ஆகியோர் எங்கள் மீது கூறியிருக்கும் பொய்யான குற்றச்சாட்டை நிரூபித்து விட்டால் நாங்கள் பொதுவாழ்வில் இருந்து விலகத் தயார். ஆனால் புகாரை நிரூபிக்காவிட்டால் தந்தையும், மகனும் பொதுவாழ்வில் இருந்து விலகுவார்களா?. இவ்வாறு உதயசூரியன் எம்.எல்.ஏ. தெரிவித்தார். ", 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 2 weeks 3 days ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 2 weeks 3 days ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 month 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 month 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 months 2 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 months 2 weeks ago
View all comments

வாசகர் கருத்து