பயங்கரவாதம் இல்லாத இந்தியாவை உருவாக்க மத்திய அரசு உறுதி: அமித்ஷா

புது டெல்லி, பயங்கரவாதம் இல்லாத இந்தியாவை உருவாக்குவதில் பிரதமர் மோடி தலைமையிலான அரசு உறுதிபூண்டுள்ளது என்று மத்திய அமைச்சர் அமித்ஷா தெரிவித்துள்ளார். 

இரண்டு நாள் பயங்கரவாத தடுப்பு மாநாடு நேற்று தொடங்கியது. இதனைத் தொடர்ந்து மத்திய உள்துறை அமைச்சர் அமித் ஷா வெளியிட்டுள்ள டுவிட்டர் பக்க பதிவில் கூறியிருப்பதாவது:-

சிறிதும் சகித்து கொள்ளாத கொள்கையோடு பயங்கரவாதம் இல்லாத இந்தியாவை உருவாக்குவதில் பிரதமர் மோடி தலைமையிலான அரசு உறுதிபூண்டுள்ளது. இரண்டு நாள் பயங்கரவாத தடுப்பு மாநாடு  இன்று தொடங்குகிறது.  

இரண்டு நாள் பயங்கரவாத எதிர்ப்பு மாநாடு, நாட்டின் பாதுகாப்பு கோட்டையை வலுப்படுத்த அமைப்புகளிடையே ஒருங்கிணைப்பை மேலும் மேம்படுத்தும். இன்றைய மாநாட்டில் உரையாற்ற ஆவலுடன் காத்திருக்கிறோம். இவ்வாறு அமித் ஷா தெரிவித்துள்ளார்.