எனக்கு தொழில் ரொமான்ஸ் விமர்சனம்

அசோக் செல்வன் தற்பொழுது எனக்குத் தொழில் ரொமான்ஸ் படம் மூலம் மீண்டும் களத்தில் குதித்து இருக்கிறார். பல்வேறு சிக்கல்களைத் தாண்டி வெளியாகி இருக்கும் திரைப்படம் எனக்குத் தொழில் ரொமான்ஸ். நாயகன் அசோக் செல்வனும் நர்சாக வேலை செய்யும் அவந்திகாவும் காதலிக்கிறார்கள்.

ஒரு கட்டத்தில் அசோக்கை பிரிந்து சென்று விடுகிறார் நாயகி. பின்பு இருவரும் ஒவ்வொரு முறை மீண்டும் சேர்வதற்கான வாய்ப்பு வரும்போதெல்லாம் ஏதோ ஒரு பிரச்சனை வந்து இவர்களை சேர விடாமல் செய்கிறது. இறுதியில் ஒன்று சேர்ந்ததா, இல்லையா? என்பதே இப்படத்தின் மீதி கதை. நாயகன் அசோக் செல்வன் வழக்கம் போல் தனது துருதுருவான நடிப்பை படத்தில் கொடுத்திருக்கிறார்.

அவருக்கு ஈடு கொடுத்து நாயகி அவந்திகா மிஸ்ரா நடித்து இருக்கிறார். ஊர்வசி வழக்கம் போல் தனது வெகுளியான நடிப்பின் மூலம் பார்ப்பவர்களுக்கு பரவசத்தை கொடுத்திருக்கிறார். கதையும் காட்சிகளும் பழையதாக இருந்தாலும் அவை ஓரளவு போரடிக்காமல் அப்படியே நகர்ந்து சென்று நிறைவான காமெடி படமாக முடிந்திருப்பது மகிழ்ச்சி. மொத்தத்தில் எனக்குத் தொழில் ரொமான்ஸ் படத்தை ஒரு முறை ரசிக்கலாம்.