நன்றி அறிவிப்பு சொன்ன மெட்ராஸ் மேட்னி படக்குழு

குடும்பஸ்தன்’, ‘டூரிஸ்ட் பேமிலி’ வரிசையில் மிகச்சாதாரணமான மனிதர்களையும் குடும்ப அமைப்பின் வலிமையையும் வெளிக்காட்டுகிற இன்னொரு வெற்றிப்படமாக மாறியிருக்கிறது ‘மெட்ராஸ் மேட்னி’. திரைப்படம். கடந்த ஜூன் 6 அன்று வெளியான இப்படத்தை கார்த்திகேயன் மணி இயக்கியுள்ளார். இந்தப்படத்தில் காளி வெங்கட், ஷெல்லி, ரோஷினி ஹரிப்ரியன், விஸ்வா, சாம்ஸ், ஜார்ஜ் மரியான், சுனில் சுஹாதா, மதுமிதா, விஜய் டிவி ராமர், கீதா கைலாசம் ஆகியோருடன் சத்யராஜும் நடித்திருந்தார். ஒரு மிடில் கிளாஸ் மனிதனின் வாழ்க்கையில் நேரும் சந்தோஷம் துக்கம் பற்றிய கதை இது. இப்படம் இப்போது மக்களின் அமோக ஆதரவை பெற்றுள்ளது. படம் பார்க்கும் ஓவ்வொருவரும் அவர்களுடைய அப்பாவை நினைத்துக் கொள்ளும் விதமாக, ஆழமான நடிப்பால் கொள்ளையடிக்கிறார் காளி வெங்கட். சின்ன விஷயங்களிலும் நம்பகத்தன்மையை உருவாக்கி சிறந்த படைப்பைக் கொடுத்திருக்கிறார் இயக்குநர். இந்நிலையில் வெற்றிப்படமாக்கிய ரசிகர்களுக்கும் பத்திரிக்கையாளர்களுக்கும் படக்குழுவினர் நன்றி தெரிவித்தனர். அப்போது பேசிய காளி வெங்கட்., சத்யராஜூடன் நடிக்க வாய்ப்பு இல்லாமல் போனது வருத்தமளிப்பதாக தெரிவித்தார்.