இந்த வாரம் வெளியாகும் பறந்து போ

ஜியோ ஹாட்ஸ்டார் - ஜிகேஎஸ் புரொடக்‌ஷன் - செவன் சீஸ் & செவன் ஹில்ஸ் புரொடக்‌ஷன்ஸ் தயாரிப்பில் ராம் இயக்கத்தில் உருவாகி இருக்கும் படம் 'பறந்து போ'. ஜூலை 4 அன்று வெளியாகவுள்ள இப்படத்தில் சிவா, கிரேஸ் ஆண்டனி, மாஸ்டர் மிதுன் ரியான், அஞ்சலி, அஜு வர்கீஸ், விஜய் யேசுதாஸ் மற்றும் பலர் நடித்துள்ளனர். இந்நிலையில் இதன் இசை வெளியீட்டு விழா சமீபத்தில் நடைபெற்றது. விழாவில், இயக்குநர் பாலா பேசுகையில், "இந்தப் படத்தை எப்படியாவது மக்களிடம் கொண்டு போய் சேர்த்து விடுங்கள். உங்கள் பாதம் தொட்டு கேட்டுக்கொள்கிறேன். ராம் மாதிரியான ஒரு இயக்குநர் நமக்கும் தமிழ்நாட்டிற்கும் தேவை என்றார்". நாயகன் சிவா பேசுகையில், " இயக்குநர் ராம் நம் அனைவருக்கும் கிடைத்த பொக்கிஷம். உங்கள் எல்லோருக்கும் இப்படம் பிடிக்கும் என்றார்.