சக்தித் திருமகன் - ஒரு அரசியல் புரோக்கரின் கதை

விஜய் ஆண்டனி நடிப்பில், அருண் பிரபு இயக்கத்தில், விரைவில் வெளியாக இருக்கும் படம் சக்தித் திருமகன். இப்படத்தின் இரண்டு பாடல்கள் மற்றும் டீசர் வெளியீட்டு விழா சமீபத்தில் நடைபெற்றது. இவ்விழாவில் படக்குழுவினருடன் தயாரிப்பாளர் தனஞ்செயன் கலந்து கொண்டார். நிகழ்ச்சியில் நாயகனும் தயாரிப்பாளருமான விஜய் ஆண்டனி பேசுகையில், இந்த சக்தித் திருமகன் படம் ஒரு அரசியல் புரோக்கரின் கதையாகும், தமிழ் சினிமாவில் டாப் 5 படங்களில் அருவி ஒரு படம். அதே போல் இந்திய அளவில் டாப் 3 இயக்குனர்களில் அருண் பிரபு ஒருவர். சர்வதேச அளவில் படம் எடுக்கக் கூடிய வல்லமை அவருக்கு இருக்கிறது என்று கூறினார். தயாரிப்பாளர் தனஞ்செயன் பேசுகையில், நாம் அனைவரும் பார்த்து வியந்த ஒரு இயக்குனர் தான் அருண் பிரபு. இப்படத்தை சிறப்பாக இயக்கியுள்ளார். இதற்கு முன் அவர் இயக்கிய அருவி மற்றும் வாழ் படத்திலிருந்து இப்படம் மாறுபட்டு இருக்கும் என்றார்.