முக்கிய செய்திகள்
Idhayam Matrimony

அமெரிக்க விருந்தினராக வரும்படி ரஜினிகாந்துக்கு அழைப்பு

செவ்வாய்க்கிழமை, 29 ஜனவரி 2013      தமிழகம்
Image Unavailable

 

சென்னை, ஜன.30 - நடிகர் ரஜினி காந்தை அமெரிக்காவுக்கு அரசு விருந்தினராக வரவேண்டும் என்று அந்த நாட்டின் மேரிலாண்ட் மாகாண அரசு அழைப்பு விடுத்துள்ளது. மேரிலாண்ட் மாகாணத்தின் வெளியுறவு துறை துணை அமைச்சர் டாக்டர் ராஜன் நடராஜன் சென்னையில் ரஜினியை அவரது இல்லத்தில் நேரில் சந்தித்து மாகாணத்தின் கவர்னர் மார்ட்டின் ஒமாலி வழங்கிய அழைப்பு கடிதத்தை வழங்கினார். அதனை ரஜினி மகிழ்ச்சியுடன் ஏற்றுக்கொண்டார். 

அக்கடிதத்தில் கவர்னர் மார்ட்டின் ஒமாலி குறிப்பிட்டுள்ள வாழ்த்துரையில், இந்திய சினிமாவில் சூப்பர் ஸ்டாராக nullநீங்கள் nullநீண்ட காலம் வெற்றிகரமாக திகழ்வது மகிழ்ச்சி அளிக்கிறது. எங்கள் வாழ்த்துக்களை தெரிவித்துக் கொள்கிறோம். 

மேலும் இந்த துறையில் பல சாதனைகள் செய்து அளவில்லா புகழை அடைந்துள்ளீர்கள் என்பதில் மகிழ்ச்சி. உலகமெல்லாம் பரவி இருக்கும் உங்கள் பல கோடி ரசிகர்களின் ஆதரவுடன் மேலும் வெற்றி பெற எங்கள் மேரிலாண்ட் மாகாண அரசாங்கம் வாழ்த்துகிறது என்று குறிப்பிட்டு உள்ளார். 

இச்சந்திப்பின்போது ஹாலிவுட் மற்றும் இந்தி படங்களுக்கு நிகராக ரஜினியின் படங்கள் எப்படி அமெரிக்க மக்களால் பாராட்டப்படுகின்றன என்பதை ராஜன் நடராஜன் விளக்கினார். அமெரிக்க வாழ் தமிழர்கள் குறித்து மிகுந்த அக்கறையுடன் ராஜனிடம் கேட்டார் ரஜினி. 

தமிழர்களின் பெருமை நீnullங்கள். உங்கள் ப்ளட்ஸ்டோன் படத்தை அமெரிக்கர்கள் பார்த்து ரசித்தனர். அமெரிக்க தமிழர்கள் மட்டுமின்றி பிறநாட்டினரும் உங்கள் படங்களை ஆர்வத்துடன் பார்க்கின்றனர் என்று ராஜன் தெரிவித்தார். அமெரிக்க அரசியலில் இத்தனை உயரிய பதவியில் இருக்கும் முதல் இந்தியர்- தமிழர் டாக்டர் ராஜன் என்பதை அறிந்து ரஜினி வியப்பும், மகிழ்ச்சியும் தெரிவித்தார். 

பின்னர் ராஜன் நிருபர்களிடம் கூறும்போது ரஜினியை அமெரிக்க அரசு விருந்தினராக வரவேற்பதை பெரிய கவுரவமாக கருதுகிறோம் என்றார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago