நடிகர் சல்மான் கானுக்கு இங்கிலாந்து விசா மறுப்பு

வாஷிங்டன், ஆக. 4 - நடிகர் சல்மான் கானுக்கு இங்கிலாந்து அரசு விசா தர மறுத்துள்ளது. ஆனால் அதற்கு காரணம் எதையும் தெரிவிக்கவில்லை. நடிகர் சல்மான் கான் கிக் என்ற இந்தி திரைப்படத்தில் நடித்து வருகிறார். இதன் படப்பிடிப்புக்காக இங்கிலாந்து நாட்டுக்கு புறப்பட்டு செல்ல படப்பிடிப்பு குழு முடிவு செய்தது. சஜித் நாடியாவாலா தலைமையிலான குழுவில் சல்மான் கானும் செல்வார் என கூறப்பட்டது. இந்நிலையில், இங்கிலாந்து அரசாங்கம் சல்மான் கானுக்கு விசா வழங்க அனுமதி மறுத்துள்ளது. இந்த விசா மறுப்பு நடவடிக்கைக்கு காரணம் எதுவும் கூறப்படவில்லை. கடந்த 2002ம் ஆண்டு சல்மான் கான் ஏற்படுத்திய கார் விபத்தில் சாலையோரம் படுத்திருந்தவர்களில் சிலர் பலியானது தொடர்பான வழக்கு விசாரணை காரணமாகவே இந்த விசா மறுக்கப்பட்டிருக்கலாம் என தெரிகிறது. இவ்வழக்கு தொடர்பாக கடந்த 24ந் தேதி சல்மான் கான் கோர்ட்டில் ஆஜரானார். அதன் மீதான விசாரணையை வருகிற ஆகஸ்டு 19ந் தேதிக்கு கோர்ட் ஒத்தி வைத்தது குறிப்பிடத்தக்கது. ஆனால் இதுகுறித்து, சல்மான் கானின் தந்தை சலீம் கான் கூறுகையில், இந்த செய்தி குறித்து கூறும் போது, இத்தகைய செய்திகளுக்கு மறுப்பு தெரிவித்துள்ளார். சல்மான் கானுக்கு 10 வருட சுற்றுலா விசா அனுமதி உள்ளது. அவர்கள் இன்னும் சில ஆவணங்களை கேட்டு உள்ளனர். அவை விரைவில் அவர்களிடம் ஒப்படைக்கப்படும். சல்மான் கானின் விசா மறுக்கப்படவில்லை. தற்காலிகமாக நிறுத்தி வைக்கப்பட்டுள்ளது என்றார்.