முக்கிய செய்திகள்
Idhayam Matrimony

ஏற்காடு தேர்தலில் அ.தி.மு.க. வெற்றி பெற்றதற்கு பாராட்டு

வெள்ளிக்கிழமை, 27 டிசம்பர் 2013      தமிழகம்
Image Unavailable

 

சென்னை, டிச. 28 - சென்னையில் ரூ. 8ஙூ கோடி செலவில் 5 லட்சம் பேருக்கு கொசு வலை:ஏற்காடு இடைத்தேர்தலில் அ.தி.மு.க. வெற்றி பெற்றதற்கு பாராட்டு மாநகராட்சி கூட்டத்தில் 78தீர்மானங்கள் நிறைவேற்றப்பட்டன.

சென்னை மாநகரில் நீர்வழி தடங்களில் வசிக்கும் பொதுமக்கள் கொசு கடியில் இருந்து தப்பிக்கவும், கொசுக்களால் பரவும் நோய்களில் இருந்து அவர்களை பாதுகாக்கவும்தற்போது கூடுதலாக 5 லட்சம் கொசுவலைகள் கொள்முதல் செய்யப்பட்டு 5 லட்சம் பேருக்கு வழங்கப்பட உள்ளதுஎன்று மேயர் சைதை துரைசாமி கூறியுள்ளார்.

சென்னை மாநகராட்சி கூட்டம் மேயர் சைதை துரைசாமி தலைமையில் நேற்று நடந்தது. துணை மேயர் பெஞ்சமின், கமிஷனர் விக்ரம் கபூர் மற்றும் கவுன்சிலர்கள் கலந்து கொண்டனர்.

கூட்டத்தில் மேயர் சைதை துரைசாமி கூறியதாவது:_

சென்னை மாநகரில் நீர்வழி தடங்களில் வசிக்கும் பொதுமக்கள் கொசு கடியில் இருந்து தப்பிக்கவும், கொசுக்களால் பரவும் நோய்களில் இருந்து அவர்களை பாதுகாக்கவும் ஏற்கனவே 5 லட்சம் கொசு வலைகள் விநியோகப்பட்டு வருகிறது. தற்போது கூடுதலாக 5 லட்சம் கொசுவலைகள் கொள்முதல் செய்யப்பட்டு 5 லட்சம் பேருக்கு வழங்கப்பட உள்ளது.

ஒரு கொசுவலையின் விலை ரூ. 169 வீதம் ரூ. 8 கோடியே 45 லட்சம் செலவில் கொள்முதல் செய்ய தீர்மானம் நிறைவேற்றப்பட்டது.

இந்த கொசு வலைகள் மண்டலம் 1 முதல் 15 வரை உள்ள பொதுமக்களுக்கு வழங்கப்படும். 20 கிலோ இலவச அரிசி பெறும் குடும்ப அட்டைதாரர்களுக்கு கொசு வலைகள் வழங்கப்படும். கொசு வலை வழங்கியதற்கான முத்திரை குடும்ப அட்டைகளில் குறிப்பிடப்படும்.

குடும்ப அட்டை இல்லாத நீர்வழி பாதை ஓரங்களில் வசிப்பவர்களுக்கும் கொசு வலை வழங்கப்படும். மேலும் மருத்துவமனைகளில் தங்கி சிகிச்சை பெறும் நோயாளிகள், விடுதிகளில் தங்கி படிக்கும் மாணவ_மாணவிகள், ஆதரவற்றோர் இல்லங்களில் வசிப்பவர்களுக்கும் கொசு வலைகள் இலவசமாக வழங்கப்படும்.

கூட்டத்தில் மேயர் சைதை துரைசாமி சிறப்பு தீர்மானங்களை கொண்டு வந்து அவற்றின் மீது பேசியதாவது:_

முதல்_அமைச்சர் உத்தரவுப்படி சென்னையில் ஆயிரம் இடங்களில் மாபெரும் மழைக்கால சிறப்பு மருத்துவ முகாம் நடைபெற்றது.

கடந்த 5_ந்தேதி முதல் 9_ந்தேதி வரை 5 நாட்கள் நடைபெற்ற இந்த முகாமில் நோய்கள் கண்டறிதல் மற்றும் சிகிச்சை அளித்தல் நடைபெற்றது.இந்த முகாம்கள் மூலம் 4 லட்சத்து 30 ஆயிரத்து 993 பேர் பயன் அடைந்தனர். இதற்காக ரூ.3 கோடி மாநகராட்சி செலவிட்டு உள்ளது.

மாநகராட்சியின் பொது சுகாதார துறையின் மேலான நடவடிக்கை மூலம் மலேரியா, டெங்கு காய்ச்சல்கள் வெகுவாக கட்டுப்படுத்தப்பட்டு உள்ளன.

கடந்த 2005_ம் ஆண்டு 25 ஆயிரத்து 153 பேருக்கு மலேரியா பாதிப்பு இருந்தது. ஆனால் இந்த ஆண்டு 4665 ஆக குறைந்து உள்ளது. 131 பேருக்கு மட்டுமே டெங்கு பாதிப்பு ஏற்பட்டது.

இவ்வாறு அவர் கூறினார்.

ஏற்காடு இடைத்தேர்தலில் அ.தி.மு.க. வெற்றி பெற்றதற்கு பாராட்டு தெரிவித்து சிறப்பு தீர்மானத்தை கொண்டு வந்து மேயர் சைதை துரைசாமி பேசினார். அப்போது அவர் அ.தி.மு.க. வேட்பாளர் சரோஜா 78 ஆயிரத்து 116 வாக்குகள் வித்தியாசத்தில் வெற்றி பெற்றுள்ளார். 4500 பேர் வாக்களிக்க விரும்பவில்லை என பதிவு செய்து உள்ளனர்.

இதன் மூலம் அ.தி.மு.க.வுக்கு மாற்று தி.மு.க. அல்ல என்பதை மக்கள் உணர்த்தி இருக்கிறார்கள். ஏற்காடு மக்களுக்கு நன்றி தெரிவித்து கொள்வதோடு முதல்_அமைச்சர் ஜெயலலிதாவுக்கு இந்த மன்றம் பாராட்டு தெரிவித்து கொள்கிறது என்று கூறினார்.

இதை தொடர்ந்து கூட்டத்தில்78 தீர்மானங்கள் நிறைவேற்றப்பட்டன.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 5 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 5 days ago ஆவாரம்பூவின் மருத்துவ பலன்கள் 3 weeks 5 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 6 days ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.