முக்கிய செய்திகள்
Idhayam Matrimony

அரசு ஊழியர்களை இழிவுப்படுத்தி பேசிய கருணாநிதிக்கு விஜயகாந்த் கண்டனம்

சனிக்கிழமை, 26 பெப்ரவரி 2011      அரசியல்
Image Unavailable

 

சென்னை, பிப்.27 - போலீஸ் தடியடியால் பாதிக்கப்பட்ட அரசு ஊழியர்களை இழிவுப்படுத்தி பேசிய கருணாநிதிக்கு விஜயகாந்த் கடும் கண்டனம் தெரிவித்துள்ளார். இதுகுறித்து தே.மு.தி.க. நிறுவன தலைவர் விஜயகாந்த் வெளியிட்டுள்ள அறிக்கையில் கூறியிருப்பதாவது:-

தமிழ்நாடு அரசு ஊழியர் சங்கத்தினரும், சாலை பணியாளர்கள் சங்கத்தை சேர்ந்தவர்களும் தங்களது கோரிக்கைகளை வலியுறுத்தி உண்ணாவிரதப் போராட்டம் மேற்கொண்டனர். தி.மு.க. அரசு உண்ணாவிரதம் இருந்த சங்க பிரதிநிதிகளை அழைத்து பேசவில்லை. சங்கங்களின் பிரதிநிதிகள் செயலகத்தை முற்றுகையிடப் போவதாக  அறிவித்து புறப்பட்டனர்.

ஊர்வலமாக வந்த அரசு ஊழியர்கள் புதிய தலைமை செயலக நுழைவு வாயில் அருகில் வந்தவுடன் சற்றும் எதிர்பாராத வகையில் அவர்களை காவல் துறையினர் மறித்து காட்டுமிராண்டித்தனமாக தடியடி நடத்தியுள்ளனர்.  இதில் அரசு ஊழியர்கள் பலர் படுகாயமடைந்து இரத்தம் சொட்டச் சொட்ட ஓடியுள்ளனர். சிலருக்கு மண்டை உடைந்துள்ளது. மருத்துவமனையில் பலர் சிகிச்சை பெற்றும் வருகின்றனர். காவல் துறையின் இந்த கண்மூடித்தனமாக தாக்குதலினால் அந்த இடமே போர்க்களம்போல் காட்சியளித்தது. அரசு ஊழியர்கள் பலரையும், நிர்வாகிகளையும் காவல்துறையினர் கைது செய்துள்ளனர். மேலும் படித்தால் மட்டும் போதாது என்றும், பகுத்தறிவோடு சிந்திக்க வேண்டும் என்றும் முதல்வர் கருணாநிதி பேசியிருப்பது அவர்கள் போராட்டத்தை கொச்சைப்படுத்துவது மட்டுமல்ல அவர்களது படிப்பையும் இழிவுப்படுத்தியுள்ளார். தி.மு.க. அரசின் இந்த அணுகுமுறையை நான் வன்மையாக கண்டிக்கிறேன்.இவ்வாறு அவர் கூறியுள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 6 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago