முக்கிய செய்திகள்
Idhayam Matrimony

முதல்வர் ஜெயலலிதாவுக்கு அ.தி.மு.க. இளைஞர்- இளம் பெண்கள் பாசறை நன்றி

திங்கட்கிழமை, 4 ஜூலை 2011      தமிழகம்
Image Unavailable

சென்னை, ஜூலை.- 4 - இலங்கை அதிபர் ராஜபக்ஷேவுக்கு எதிராக பொருளாதார தடை ஏற்படுத்தும் தீர்மானத்தை சட்டசபையில்  நிறைவேற்றிய தமிழக முதல்வர் ஜெயலலிதாவிற்கு அ.தி.மு.க. இளஞைர் மற்றும் இளம்பெண்கள் பாசறையினர்  நன்றி தெரிவித்துள்ளனர். இது குறித்து இளைஞர் மற்றும் இளம்பெண்கள் பாசறையினர்  ஜெயலலிதா அரசு நலத் திட்டங்களை துண்டு பிரசுரங்கள் மூலம் வீடு வீடாக வினியோகிக்கவேண்டியும்,  பாசறைக்கு புதிய உறுப்பினர்கள் சேர்க்க வேண்டியும் ஆலோசனைக் கூட்டம் நேற்று அ.தி.மு.க. தலைமை செயலகத்தில் நடைபெற்றது. ஆலோசனைக் கூட்ட நிகழ்சிகளுக்கு கழக இளைஞர் பாசறை மற்றும் இளம் பெண்கள் பாசறை செயலாளர் வி.பி.கலைராஜன் எம்.எல்.ஏ. தலைமை தாங்கினார். பாசறை இணை செயலாளர் ஆர்.ராஜலட்சுமி எம்.எல்.ஏ. வரவேற்றார். இதில் அ.தி.மு.க அவை தலைவர் இ. மதுசூதனன், கழக அமைப்பு செயலாளர்கள் சி. பொன்னையன், டாக்டர். விசாலாட்சி நெடுஞ்செழியன், ஈ.வி.கே.சுலோச்சனா சம்பத் ஆகியோர் கலந்துகொண்டு  கருத்துரையாற்றினார்கள் . மேலும் கழக அமைப்புச் சாரா ஓட்டுனர்கள்  அணி செயலாளர்கள் ஆர். கமலக்கண்ணன், டாக்டர்.கே.எஸ்.சதீஸ்குமார் ஆகியோர் நன்றி தெரிவித்தார்கள்.
இளைஞர்  மற்றும் இளம்பெண்கள் பாசறையின் கூட்டத்தில் கீழ்கண்ட தீர்மானங்கள் நிறைவேற்றப்பட்டன.
தீர்மானம் எண். 1
தமிழக மக்களின் ஏகோபித்த ஆதரவோடு, அமோக வெற்றிப் பெற்று மூன்றாம் முறையாக தமிழகத்தின் முதல்வராக பொறுப்பேற்றுள்ள  முதல்வர் ஜெயலலிதாவுக்கு  கழக இளைஞர் மற்றும், இளம்பெண்கள் பாசறை வணங்குகிறது.
தீர்மானம் எண். 2
குடும்ப ஆட்சி, ஸ்பெக்ட்ரம் ஊழல், கூட்டுக் கொள்ளை அதிகார திமிர், ஆணவப் போக்கு என்று சர்வாதிகார வெறியோடு தமிழகத்தையும், மக்களையும் வஞ்சித்த வஞ்சகராம் கருணாநிதியையும், அவரது கும்பலையும் வேரடி மண்ணோடு சாய்த்து, தமிழகத்திற்கு கொடுங்கோலர் கருணாநிதி ஆட்சியிலிருந்து விடுதலை பெற்று தந்ததோடு, தன்னலம் பாராது மக்கள் நலனை மட்டுமே மனதிலே ஏற்று மக்களுக்காக மக்கள் ஆட்சி நடத்திட, வள்ளலுக்கு எல்லாம் வள்ளலாக திகழும், வாழும் வள்ளல் முதல்வருக்கு வாக்களித்த தமிழக மக்களுக்கு நெஞ்சார்ந்த நன்றியை கழக இளைஞர், இளம்பெண்கள் பாசறை வணங்கி தெரிவித்துக்கொள்கிறது. தீர்மானம் எண். 3
தாலிக்கு தங்கம், பெண்களுக்கு திருமண உதவி, மாணவ சமுதாயத்தினருக்கு மடி கணினி, இலவச அரிசி என்று அனைத்து பிரிவு மக்களுக்கும் பயன்தரும் வண்ணம் தேனினும் இனிய திட்டங்கள் பல தந்து சிந்தை மகிழ நல்லாட்சி நல்கிடும், தங்கத்தாரகை, சுயநலம் பாராத சொக்கத் தங்கம், என அறிவித்த முதல்வருக்கு இளைஞர் பாசறை, இளம்பெண்கள் பாசறை இந்த இனிய தருணத்தில் நன்றியுடன் வணங்குகிறது.
தீர்மானம் எண்.4
தமிழனத் தலைவனென்று, தன்னை தானே புகழ்ந்து கொள்ளும் தமிழின விரோதி கருணாநிதி ஆட்சி காலத்தில் உலகத் தமிழனிலிருந்து உள்ளூர் தமிழன் வரை கேட்க நாதியற்று லட்சக்கணக்கில் கொல்லப்பட்டப்போது வாய்மூடி மெளனியாக இருந்து உண்ணாவிரத நாடகம் நடத்தி உள்ளம் மகிழ்ந்த தன்னல வெறியார் கருணாநிதியை கழக இளைஞர் பாசறை, இளம்பெண்கள் பாசறை வன்மையாக கண்டிக்கிறது.
தீர்மானம் எண்.5
உலகில வாழும் பத்து கோடி தமிழர்களுக்கும் பாதுகாப்பு கவசமாகவும், பாசம் காட்டும் தாயாகவும் விளங்கிடும் முதல்வர் ஜெயலலிதா வல்லரசு நாடுகள் உட்பட, வளர்ந்து வரும் நாடுகள் வரை வாயார புகழும் வண்ணம் தமிழின விரோதி லட்சக்கணக்கில் படுகொலை செய்த இலங்கை அதிபர் ராஜபக்சேவை போர் குற்றவாளியாக அறிவித்து தண்டிக்க வேண்டும். மேலும், இலங்கைக்கு எதிராக இந்திய அரசு பொருளாதார தடை விதிக்க வேண்டும் என்ற வரலாற்று சிறப்பு மிக்க தீர்மானத்தை தமிழக சட்டமன்றத்தில் அமோக ஆதரவோடு நிறைவேற்றியதோடு, துரோகி கருணாநிதியின் சுயநலத்திற்காக இலங்கைக்கு தாரை வார்க்கப்பட்ட தமிழர்களின் சொந்த மண் கச்சத்தீவை தமிழகத்திற்கு திரும்ப பெற்று, தமிழக மீனவர்களை காப்பாற்றிட மத்திய அரசை வலியுறுத்தி தீர்மானம் போட்ட சிங்க நிகர் துணிவு கொண்ட முதல்வரை  கழக  இளைஞர் பாசறை, இளம்பெண்கள் பாசறை நன்றியுடன் வணங்குகிறது.
தீர்மானம் எண்.6
தமிழக முதல்வரின் சீர்மிகு திட்டங்களையெல்லாம் துண்டு பிரசுரமாக அச்சிட்டு, கிராமங்களிலிருந்து நகரங்கள் வரை பள்ளி, கல்லூரிகளிலும், பட்டி தொட்டியெங்கும் இனிப்பு வழங்கி வீடு வீடாக விநியோகித்து சரித்திரம் போற்றும்  திட்டங்கள் அனைவரும் அறியும் வண்ணம் பிரச்சாரம் செய்வதென்றும், அதே வேளையில் பாசறையில் புதிய உறுப்பினர்களை லட்சக்கணக்கில் சேர்ப்பதென்றும் கழக இளைஞர், இளம்பெண்கள் பாசறை இந்த இனிய நேரத்தில் உறுதி ஏற்கிறது.
தீர்மானம் எண்.7
தி.மு.க., காங்கிரஸ் அங்கம் வகிக்கும் மத்திய அரசின் மக்களை வஞ்சிக்கும் செயலான பெட்ரோல், டீசல், கேஸ், மண்ணெண்ணை விலை உயர்வை வன்மையாக கண்டிப்பதோடு, இந்த விலை உயர்வால் மக்கள் கடுமையாக பாதிக்கா வண்ணம் தமிழக அரசின் வரி விதிப்பை nullக்கி மக்களுக்கு நேசக்கரம் nullட்டிய பாசத்தாயிக்கு கழக இளைஞர், இளம்பெண்கள் பாசறை நன்றி தெரிவித்து கொள்கிறது.
இவ்வாறு தீர்மானங்கள் நிறைவேற்றப்பட்டன.
 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago