முக்கிய செய்திகள்
Idhayam Matrimony

சிறுபான்மையினர்களுக்கு 4.5 சதவீத உள் ஒதுக்கீடு - மத்திய அரசு

திங்கட்கிழமை, 26 டிசம்பர் 2011      இந்தியா
Image Unavailable

 

புதுடெல்லி,டிச.- 25 - அரசு வேலைவாய்ப்பு மற்றும் கல்விநிறுவனங்களில் சிறுபான்மையினர்களுக்கு ஒதுக்கப்பட்டுள்ள 4 சதவீத இடஒதுக்கீடு வருகின்ற ஜனவரி மாதம் 1-ம் தேதி முதல் அமுல்படுத்தப்படும் என்று மத்திய அரசு அதிகாரப்பூர்வமாக அறிவித்துள்ளது. அரசு வேலைவாய்ப்பு மற்றும் கல்வி நிறுவனங்களில் இதர பிற்படுத்தப்பட்ட வகுப்புகளை சேர்ந்தவர்களுக்கு 20 சதவீத இடஒதுக்கீடு செய்யப்பட்டுள்ளது. இதில் 4.5 சதவீதம் சிறுபான்மையினர்களுக்கு ஒதுக்கீடு செய்யப்பட்டுள்ளது. இந்த ஒதுக்கீடு வருகின்ற ஜனவரி மாதம் 1-ம் தேதி முதல் அமல்படுத்தப்படும் என்று மத்திய அரசு அதிகாரப்பூர்வமாக அறிவித்துள்ளது. பிரதமர் மன்மோகன் சிங் தலைமையில் நேற்றுமுன்தினம் இரவு கேபினட் அமைச்சரவை கூட்டம் நடைபெற்றது. அப்போது இந்த முடிவு எடுக்கப்பட்டது. அதன்படி 1992-ம் ஆண்டு சிறுபான்மையினர்களுக்கான தேசிய கமிஷனின் சட்டப்பிரிவு 2- ன் சி பிரிவில் கூறப்பட்டிருப்பது படியும் கடந்த 8-9-93-ம் ஆண்டு இதர பிற்படுத்தப்பட்ட வகுப்பினர்களுக்கு ஒதுக்கீடு செய்யப்பட்ட 27 சதவீத இட ஒதுக்கீட்டில் உள் ஒதுக்கீடாக சிறுபான்மையினர்கள் வகுப்பில் பொருளாதார ரீதியாக பின்தங்கியுள்ளவர்களுக்கு 4.5 சதவீத இடஒதுக்கீடு செய்யப்படும் என்று மத்திய அரசின் அறிவிப்பில் தெரிவிக்கப்பட்டுள்ளது. சிறுபான்மையினர்களுக்கான தேசிய கமிஷன் சட்டம் 1992-ம் ஆண்டின்படி முஸ்லீம்கள், சீக்கியர்கள், கிறிஸ்தவர்கள், புத்தமதத்தினர், ஜொராஸ்டியன்ஸ் ஆகிய வகுப்புகளை சேர்ந்தவர்கள் சிறுபான்மையினர்களாக கருதப்படுவார்கள். இதன் மூலம் அவர்களின் நீண்டகால கோரிக்கை நிறைவேறியுள்ளது. உத்திரப்பிரதேச சட்டசபை தேர்தலையுட்டி இந்த அறிவிப்பு வெளியாகி உள்ளது என்பது குறிப்பிடத்தக்கது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago