செய்முறை ;--

1. மிக்சி ஜாரில் 10 பிரட் துண்டுகளை போட்டு நன்றாக அரைத்து வைத்துக்கொள்ளவும்.
2. அடுப்பில் குக்கரை வைத்து சிறிதளவு தண்ணீர் ஊற்றி 8 முட்டைகளை போட்டு நன்றாக வேக வைத்து முட்டை ஓடுகளை நீக்கி சுத்தம் செய்து முட்டையை பாதியாக அறுத்து முட்டையின் மஞ்சள் கருவை ஒரு ஸ்பூன் மூலம் நீக்கி விட்டு முட்டையின் வெள்ளை கருவை பொடியாக நறுக்கி ஒரு பாத்திரத்தில் எடுத்துக்கொள்ளவும்.
3. இதனுடன் ஒரு ஸ்பூன் மிளகாய் தூள்,10 கறிவேப்பிலை,பொடியாக நறுக்கிய ஒரு பச்சை மிளகாய், உப்பு தேவையான அளவு,மைதா மாவு 2 ஸ்பூன்,பிரட் தூள் 3 ஸ்பூன்,மற்றும் ஒரு முட்டையின் வெள்ளை கருவை ஊற்றி நன்றாக கலந்து வைத்துக்கொள்ளவும்.
4. இதனுடன் கரம் மசாலா 1 ஸ்பூன்,இஞ்சி,பூண்டு விழுது 1 ஸ்பூன் போட்டு நன்றாக கலந்து விட்டு சிறு சிறு உருண்டைகளாக உருட்டி வைத்துக்கொள்ளவும்.
5. அடுப்பில் கடாய் வைத்து 1/2 லிட்டர்  எண்ணெய்யை ஊற்றவும்.
6. எண்ணெய்யை  சூடானவுடன் தயார் செய்து வைத்துள்ள முட்டை உருண்டைகளை போட்டு  பொரிக்கவும்.
7. திருப்பி திருப்பி போட்டு நன்றாக பொறித்து எடுத்து வைத்துக்கொள்ளவும்.
8. அடுப்பில் கடாய் வைத்து சிறிதளவு  எண்ணெய்யை ஊற்றவும்.
9. எண்ணெய்யை  சூடானவுடன் பொடியாக நறுக்கிய 2 பல் பூண்டு போட்டு வதக்கவும்.
10. இதனுடன் நறுக்கிய 2 மிளகாய் வத்தல்,சிறிதளவு கறிவேப்பிலை,மல்லி,3 ஸ்பூன் ஸ்கெட்சப் ஊற்றி கிளறி விடவும்.
11. பொரித்து வைத்துள்ள முட்டை உருண்டைகளை போட்டு  கலந்து விடவும்.
12.  இப்போது அடுப்பில் இருந்து இறக்கி விடலாம்.
13. சுவையான முட்டை 65 ரெடி.