தமிழ் ரசிகர்களுக்கு நன்றி - துல்கர்

துல்கர் சல்மான் நடிப்பில் ஹனு ராகவபுடி இயக்ககதில் சமீபத்தில் வெளியாகி ரசிகர்களிடம் நல்ல வறவேற்பை பெற்றிருக்கும் படம் சீதா ராமம். வைஜெயந்தி மூவிஸ், ஸ்வப்னா சினிமா ஆகிய தயாரிப்பு நிறுவனங்கள் இணைந்து தயாரித்துள்ள இப் படம் வெளியான ஆறு நாட்களில் உலகளவில் நாற்பது கோடி ரூபாய் வசூலித்து சாதனை படைத்திருக்கிறது. விமர்சன ரீதியாகவும், வசூல் ரீதியாகவும் ‘சீதா ராமம்’ படம் பெரிய வெற்றியைப் பெற்றதால், சென்னையில் படக்குழுவினர் வெற்றி விழாவைக் கொண்டாடினர். இவ்விழாவில் இசையமைப்பாளர் விஷால் சந்திரசேகர், படத்தில் இயக்குநர் ஹனு ராகவபுடி, கதாநாயகன் துல்கர் சல்மான், படத்தைத் தமிழில் வெளியிட்ட லைகா நிறுவனத்தின் தமிழகத் தலைமை நிர்வாக அதிகாரி ஜி.கே.எம்.தமிழ் குமரன் ஆகியோர் கலந்து கொண்டனர். அப்போது துல்கர் சல்மான் பேசுகையில், வித்தியாசமான படைப்புகளுக்கு உங்களின் ஆதரவு உண்டு என்பதை மீண்டும் நிரூபித்த தமிழ் ரசிகர்களுக்கு நன்றியைத் தெரிவித்துக் கொள்கிறேன் என்றார். இயக்குநரிடம் கதை கேட்கும் போது, இப்போது கடிதம் எழுதும் பழக்கம் பெரியளவில் இல்லை என்பதால் எப்படி வரவேற்பு கிடைக்கும் என்ற எண்ணமும் இருந்தது. ஆனால் இந்தப் படத்தைப் பார்த்துவிட்டு ஏராளமானவர்கள் மீண்டும் கடிதம் எழுதத் தொடங்கி இருக்கிறார்கள். ஏதேனும் ஒரு தாளில் கடிதம் எழுதி, அதனை புகைப்படமாக எடுத்து, என்னுடைய சமூக வலைதளப் பக்கத்தில் பதிவிடுகிறார்கள். இத்தகைய டிஜிட்டல் கடித வரவேற்பு மகிழ்ச்சியளிக்கிறது என்றார்.