முக்கிய செய்திகள்
Idhayam Matrimony
முகப்பு

இந்த வார ராசிபலன்

இதை ஷேர் செய்திடுங்கள்:

தேதி: Sunday, August 14, 2022 to Saturday, August 20, 2022
மேஷம்
aries-mesham

(அஸ்வினி-1, 2, 3, 4 பாதங்கள்–பரணி-1, 2, 3, 4 பாதங்கள்–கார்த்திகை-1, பாதம்)

அஸ்வினி --  இந்த வாரம் பலவழிகளிலும்  அதிக தனவரவு ஏற்படும். பொருளாதார நிலை உயரும். ஊரில் உள்ள பெரிய மனிதர்களின்  இனிய நட்பால் உங்களுக்கு வளமான எதிர்காலம், வாழ்க்கை முன்னேற்றங்கள் ஏற்படும். அரசுப் பணியாளர்களுக்கு.  பதவி உயர்வுடன் கூடிய இடமாற்றங்கள் ஏற்படலாம். அதன் காரணமாக குடும்பத்தை விட்டுப் பிரியும் நிலை ஏற்படலாம். பெற்றோர்கள், உற்றார் உறவினர் ஆகியோர், உங்கள் அசாத்தியத் தொழில் திறமைகளைக் கண்டு பொறாமை கொள்வர்.  உங்கள் தீரம் மிக்க செயல்களால், அனைவரின் பாராட்டையும் பெறுவீர்கள். நீங்கள் கையில் எடுக்கும்  காரியங்கள் அனைத்தும் சிறப்புற, வெற்றிகரமாக நடக்கும்.

பரணி  -- இந்த வாரம் எறும்பு போன்ற உங்கள் வேகமான, சுறுசுறுப்பு மிக்க பணி திறமைகளை வெளிக்காட்டி அதிகாரிகள், அன்பையும், பாராட்டையும் பெறுவீர்கள். எதிர்பார்த்த நபர்களிடமிருந்து, எதிர்பார்த்தபடி  தனவரவு தாராளமாக இருக்கும். அரசாங்கத்திடமிருந்து வேலை விஷயமாக வெகு நாளாக எதிர்பார்த்திருந்த அனுகூலமான செய்திகள் மற்றும் தகவல்கள் வந்து சேரும். நண்பர்களுடன் மால்களுக்கு சென்று, மனமகிழ்ச்சி பெருக, உண்டு மகிழ்ந்து உல்லாசம் அடைவீர்கள். உறவுகளின் இல்ல விருந்து உபசாரங்களில் கலந்து கொள்ளும் போது மனதில் ஒரு திருப்தி ஏற்படும். வீட்டில் திருமணம் போன்ற மகிழ்ச்சி கரமான சுப நிகழ்ச்சிகள் நடைபெற்று சுப விரயங்கள் அதிகரிக்கும்.

கார்த்திகை  1 ஆம் பாதம்.—  இந்த வாரம் பணவரவு அதிகரிப்பதால், மனதில் மகிழ்ச்சி பொங்கும். பேரின்பம் பெறும் விதமாக மனைவிக்கு குழந்தை பேறு உண்டாகி இருக்கும் சேதி கேட்டு மகிழ்ச்சி வெள்ளத்தில் மிதப்பீர்கள். எதிர் காலத்தைக் கருத்தில் கொண்டு கை செலவுகளைக் குறைத்து சேமிப்புகளை அதிகரிப்பது நல்லது. நீங்கள் ஆற்றிய பொதுச் சேவை காரணமாக மக்கள் மத்தியில் புகழ் பெறுவீர்கள். கல்வியில் வெற்றி பெற மாணவர்கள் கவனமாகப் படிக்க வேண்டும்.. ஏழை, எளிய மக்களுக்கு உதவிக்கரம் நீட்டுவதால் மகிழ்ச்சியடைவீர்கள். அரசு மூலமாக அரசுப் பணியாளர்களுக்கு வரவேண்டிய அனைத்து பண நிலுவை களும் அதிகாரிகள்  சிபாரிசின் மூலம் கிடைத்துவிடும்.

ரிஷபம்
taurus-rishibum

( கார்த்திகை – 2,3,4 பாதங்கள்-ரோகிணி-1,2,3,4-பாதங்கள்-மிருகசிரீடம்-1,2 பாதங்கள் )

கார்த்திகை 2,3,4 பாதங்கள் –  இந்த வாரம்  எதிர்பார்த்ததை விட அதிக பணவரவு உண்டாகும். அரசியலில் செல்வாக்கு மிக்கவர்கள் புதிய நட்பால் உங்கள் எதிர்காலம் ஒளிமிகுந்த தாகும். அரசுப் பணியாளர்கள் சிலருக்குப் பதவி உயர்வுடன் கூடிய பணி மாற்றங்கள் ஏற்படலாம். அதன் காரணமாக குடும்பத்தை விட்டு வெகு தூரம் செல்லும் நிலை ஏற்படலாம். பெற்றோர்கள் பெருமை கொள்ளலாம்,  உற்றார் உறவினர் பொறாமை கொள்ளும் அளவுக்கு, அளவில்லாத முன்னேற்றம் இருக்கும்.  நீங்கள் நினைத்தபடி, எல்லாக் காரியங்களும்  சிறப்புற, வெற்றிகரமாக நடக்கும். அரசு மூலமாக வரவேண்டிய அனைத்து பண நிலுவைகள் அதிகாரிகள் பலத்த சிபாரிசின் மூலமாகவோ அல்லது கையூடு அளிப்பதனால் கிடைத்துவிடும்.

ரோகிணி  – இந்த வாரம் மகிழ்ச்சி பொங்க, விருந்து உபசாரங்களில் கலந்து கொள்ளும் சூழ்நிலை உருவாகும். வீட்டில் திருமணம் போன்ற மகிழ்ச்சி கரமான சுப நிகழ்ச்சிகள் நடைபெறும். விருந்தினர் வருகை   ஆனந்தம் அளித்தாலும், செலவுகள் அதிகரிக்கும். வெளிநாட்டுப் பயணம் மற்றும் வாணிபத்தால்  தன லாபம் அதிகரிக்கும். தொழிலாளர்கள் சிறு வேலைக்கும் கடினமாக உழைக்க வேண்டியது இருக்கும். இரக்க குணத்தால் மிகவும் கஷ்டப்படுபவர்களுக்கு உதவிக்கரம் நீட்டுவதால் மகிழ்ச்சியடைவீர்கள். உங்கள் சுறுசுறுப்பு மிக்க செயல்பாடுகளால் அனைவரின் பாராட்டையும் பெறுவீர்கள். நீங்கள் எதிர்பார்த்த இடங்களில் இருந்து பணவரவு தாராளமாக இருக்கும்.

மிருகசீரிஷம் – 1 , 2 பாதங்கள் – இந்த வாரம் நண்பர்களிடையே கருத்து வேறுபாடுகளைத் தவிர்க்க, அனுசரித்துச் செல்வது நல்லது. அரசாங்கத்திடமிருந்து வெகு நாளாக எதிர்பார்த்திருந்த அனுகூலமான தகவல்கள் வந்து சேரும். தாய்வழி உறவுகளால் ஆதாயங்களும், நன்மைகளும் ஏற்படும். அரசு வகையில் வரி பாக்கிகளை  உடனே கட்டவேண்டிய கெடுபிடி இருக்கும். அதற்குத் தேவையான பணவுதவி கள் கிடைத்துப் பிரச்சனைகள் தீரும். பணிபுரியும் இடத்தில் மேலதிகாரிகளின் ஆலோசனைப்படி நடப்பதும், அவர்கள் சொல்லுக்கு மறுபேச்சு பேசாமல் பணிந்து நடப்பது அரசுப் பணியில் உள்ளவர்களுக்கு முன்னேற்றங்களை தரும். பயணங்களின் போது பொருட்களைப் பத்திரமாகப் பாதுகாப்பதன் மூலம் இழப்பைத் தவிர்க்கலாம்.

மிதுனம்
gemini-mithunum

(மிருகசீரிஷம்- 3,4 பாதங்கள், திருவாதிரை-1,2,3,4 பாதங்கள், புனர்பூசம்-1,2,3 பாதங்கள்)

மிருகசீரிஷம் – 3 , 4 பாதங்கள். – இந்த வாரம் நெடுநாட்களாக பெண் தேடி அலைந்தவர்களுக்குத் திருமணம் உறுதியாகி, அதன் காரணமாக ஆகாயத்தில் மிதப்பார்கள். உங்கள் அன்பு மிக்க செயல்களால், உறவுகள் மகிழ்ச்சி கொள்வார். புத்திர பாக்கியம் ஏற்படும். அலுவலகத்தில் பணிபுரியும் பெண்கள் தங்கள் பணியிடத்தில் ஏற்படும் பிரச்சனைகளை தாங்களே சமாளித்துக் கொள்வர். என்னதான்  சமாதானக் கொடி பறக்க விட்டால், வீட்டில் ஏற்படும் சச்சரவுகள் சமாளிக்க முடியாமல் போகலாம். புதிய வேலை வாய்ப்புக்கான ஆணைகள் பெற்று, இளைஞர்கள் நண்பர்களுடன் பார்ட்டி களுக்குச் சென்று மகிழ்வார்கள். புது மாடல் இருசக்கர வாகனத்தை வாங்க முயற்சி செய்வீர்கள்.

திருவாதிரை --- இந்த வாரம் குடும்பத்தில் இருந்து வந்த குழப்பங்கள் தீர்ந்து குதூகலம் உண்டாகும். மனைவி, குழந்தைகளின் மன விருப்பங்களை நிறைவேற்றுவீர்கள். மற்றவர்கள் தங்களை புகழ வேண்டும் என்பதற்காக, கடினமான காரியங்களையும் இழுத்துப் போட்டுச் செய்வார்கள். அலுவலகத்தில் சிறப்பாக பணிபுரிந்து அதிகாரிகள் பாராட்டைப் பெறுவார்கள். சீருடைப் பணியாளர்கள் சீரிய சேவைக்கான பதக்கங்கள், பாராட்டுக்கள் கிடைக்கும். விபத்துக்களை தவிர்க்க  புதிய தொழில் பயணங்கள் மூலமாக எதிர்பார்த்த தொழில் முன்னேற்றங்கள் ஏற்படும். வாகனங்களை இயக்கும் போது அதிக கவனத்துடனும், எச்சரிக்கையுடனும் இயக்கவும். வியாபாரத்தில் புதிய திட்டங்களால் அதிக ஆதாயம் அடைவீர்கள்.

புனர்பூசம் – 1, 2, 3 – பாதங்கள் இந்த வாரம் நீங்கள் நினைத்தது நினைத்தபடி நடக்கும்.  குடும்பத்தில் நடக்கும் சுப நிகழ்வுகளுக்காக வெளியில் அதிகம் அலைந்து திரியும் நிலை ஏற்படும். சகோதரர்களின் நடவடிக்கைகள் சஞ்சலத்தை தரும். கணவன் மனைவியிடையே இருந்து வந்த கருத்து வேறுபாடுகள் மறைந்து, ஒற்றுமை நிலவும். அலுவலகங்களில்  வேலைப்பளு அதிகமானாலும், அதற்கேற்ற ஆதாயம் இருக்கும். ஒரு சிலருக்கு உழைப்பின் காரணமாக, அசதியும், உடல் பாதிப்பும் ஏற்படலாம். தொழில் வகையில் ஏற்ற, இறக்கங்கள் இருந்தாலும் பண விஷயத்தைப் பொறுத்தவரை ஒரளவு சமாளித்து விடுவார்கள். வியாபாரிகளுக்கு எதிர்பார்த்த தனவரவு இல்லாமல் வங்கியில் ஓவர் டிராப்ட் செய்ய வேண்டிய நிலை ஏற்படும்.

கன்னி
virgo-kanni

( உத்திரம் – 2, 3, 4-பாதங்கள், ஹஸ்தம்-1, 2, 3, 4 பாதங்கள், சித்திரை – 1,2 பாதங்கள்)

உத்திரம் – 2, 3, 4 – பாதங்கள். இந்த வாரம் பல வழிகளிலும் தனவரவு அதிகரிக்கும், சிலருக்கு நல்ல குரு வாய்க்கப் பெற்று ஆன்மீக வழியில் அறிவுத் தெளிவு ஏற்படும். சிலருக்கு அரசாங்க விருதுகள் கிடைக்கும்.  வாக்குவன்மை ஓங்கி ஆதாயம் பெருகும்.  புதிய வீடு, மனை ஆகியவை கிடைக்கும்.  பூரண சயன சுகம் கிடைக்கும்.  எல்லா வகையில் பிறருக்கு உதவும் நல்ல எண்ணம் மேலோங்கும்.  உங்களுக்கு தாய்வழி உறவுகளால் நன்மை ஏற்படும். பெரியவர்களின் ஆசியும், மேலதிகாரிகளின் ஆதரவு இருந்தால் வாழ்க்கையில் நல்ல முன்னேற்றம் ஏற்படும். புதிய தொடர்புகள் நன்மையும் ஏற்படும். வியாபாரம், தொழில் செய்பவர்களுக்கு எதிர்பார்த்த வங்கிக் கடன்கள் கிடைக்கும். சிலருக்கு இடமாற்றங்கள் ஏற்படலாம். மனோதைரியம் ஓங்கும்.

ஹஸ்தம் – இந்த வாரம் வியாபாரிகளுக்கு முதலீடுகள் அதிகரித்து லாபம் அதிகரிக்கும். உத்தியோகம் மற்றும் தொழிலில் நல்ல முன்னேற்றங்கள் ஏற்படும். உங்களின் சிறந்த பணிக்காக கௌரவப் பட்டங்கள், புதிய பதவிகள் கிடைக்கும். புதிய வேலை வாய்ப்புகள் பிரகாசமாக இருக்கும். அளவோடு உணவருந்தி அஜீரணத்தை குறையுங்கள். திருமணம், சந்ததி விருத்தி ஆகியவை ஏற்படலாம்.  சகோதரரால் நன்மைகள் உண்டு. வீட்டில் சுபகாரிய செலவுகள் ஏற்படும். பயணங்களால் ஆதாயமும், மகிழ்ச்சியும் ஏற்படும். தலைமைப் பதவிகள் தேடிவரும். வீரம் பெருகும். தங்கள் சேவைகள் அங்கீகரிக்கப்படும். உங்கள் உயர்வைக் கண்டு பிறர் பொறாமை கொள்வர். சிலருக்கு உஷ்ண சம்பந்தமான நோய்கள் ஏற்படலாம்.

சித்திரை – 1,2 பாதங்கள் –  இந்த வாரம் கல்வியில் தேர்ச்சி ஏற்படும். தெய்வ சிந்தனை மற்றும் தரும சிந்தனைகள் கூடும். சிலருக்குத் தங்கள் விருப்பம் போல் அழகிய உயர் ரக வாகனங்கள் கிடைக்கும். பிரபலமானவர்களின் ஆறுதலும், அன்பும் கிடைக்கும். தந்தைக்கு நன்மைகள் ஏற்படும். அரசு மரியாதை கிட்டும். உயர் பதவிகள் கிடைக்கும்.  பல புண்ணியத் தலங்களுக்கு பயணம் செய்யும் வாய்ப்பு கிட்டும். வாக்கால் வருமானம் பெருகும். விருப்பங்கள் அனைத்தும் நிறைவேறும். அரசாங்கம் மூலமாக எதிர்பார்த்த காரியங்கள் அனைத்தும், அதிகாரிகள் அனுசரணையாக வெற்றிகரமாக முடியும். குடும்பத்தார்  விரும்பிய பொருட்களை எல்லாம் உடனே வாங்கித் தருவீர்கள்.  சுகமும் ஆரோக்கியமும் பெருகும்

மகரம்
capricorn-magaram

( உத்திராடம்- 2,3,4- பாதங்கள், திருவோணம்-1,2,3,4 மற்றும் அவிட்டம் 1,2 பாதங்கள் )

உத்திராடம்- 2,3,4- பாதங்கள் --- இந்த வாரம் உங்கள் நற்குணங்கள் அனைவரின் பாராட்டையும் பெறும். உங்கள் சிறந்த பணிக்காக மேலதிகாரிகளால் மெச்சப் படுவீர்கள். பதவி உயர்வு எளிதாகக் கிடைக்கும். சிலருக்கு தலைவலி/கண்ணில் பிரச்சனைகள் வந்து சீராகிவிடும். கவலை வேண்டாம். பெண்கள் தங்கள் சேமிப்பை வைத்து புதிய ஆபரணங்கள் வாங்கி மகிழ்வீர்கள். பங்குச் சந்தை மற்றும் போட்டி பந்தயங்களில் ஈடுபடாதிருப்பது இழப்பைத் தவிர்க்கும். செல்வத்திற்கு அதிபதியான அலைமகளே உங்களைப் பார்த்துச் சிரித்தால் நீங்கள் மகிழ்ச்சி அடையமாட்டீர்களா ? மகிழ்ச்சி பொங்கும் அளவுக்கு தன வருவாய் திருப்திகரமாக இருக்கும். விவசாயிகளுக்கு விளைச்சல் அதிகரித்து, லாபம் அதிகரிக்கும்.

திருவோணம்-  இந்த வாரம் வாழ்க்கையில் நீங்கள் எடுத்து வைக்கும் ஒவ்வொரு அடியிலும் வெற்றியின் மகிழ்ச்சியை அனுபவிப்பீர்கள். சிலருக்கு வீண் விரயங்கள் ஏற்படலாம்.  மனைவியின் பணிவிடை மகிழ்ச்சி தரும். மதிப்பு, கௌரவம் உயரும். செலவுகள் அதிகமாவதின் காரணமாகப் பணமுடை ஏற்பட வாய்ப்பு உண்டு. சோம்பேறித்தனம் அதிகரிக்கும். ஆனால், நேர்மையும் கடின உழைப்பும் மட்டும் நல்ல சம்பாத்தியத்தை அளிக்கும்.  பெண்களுக்கு ஆன்மீகத்தில் ஈடுபாடு, அதன் காரணமாக குடும்ப முன்னேற்றம் ஏற்படும். ஓய்வெடுக்கும் விதமாக நமக்கு  எல்லா நாட்களும் ஞாயிறாக இருப்பதில்லை. அதேபோல் இன்பமும் துன்பமும் கலந்தது தான் வாழ்க்கை.

 

அவிட்டம் 1,2 பாதங்கள் – இந்த வாரம் குடும்ப சந்தோஷம் குறைவில்லாது நிறைந்திருக்கும். தம்பதிகளிடையே அன்யோன்யம் அதிகரிக்கும். பெரியவர்கள் ஆசியால் நீங்கள் எடுக்கும் அனைத்து முயற்சிகளும் வெற்றி அடையும். அண்டை வீட்டார், நண்பர்கள் மற்றும் சகோதரரால் உங்கள் பிரச்சனைகளுக்கு ஒரு முடிவு வரும். உங்கள் சம்பாதிக்கும் திறன் மேம்படும்.  கடினமான வேலைகளையும் தன்னம்பிக்கை காரணமாக சிறப்பாக செய்து முடிப்பீர்கள். பக்தி மார்க்கத்தில்  தீவிர ஈடுபாடு உண்டாகும். சுபகாரிய நிகழ்ச்சிகள் இல்லத்தில் மகிழ்ச்சி பொங்கும். அரசு வேலைக்கு மனு செய்தவர்கள் அனுகூலமான செய்தி வரும். வியாபாரிகளுக்கு வியாபாரம் ஏற்ற இறக்கமின்றி ஒரே சீராக இருக்கும்.

கடகம்
cancer-kadagam

(புனர்பூசம்- 4 ஆம் பாதம், பூசம்-1,2,3,4 பாதங்கள், ஆயில்யம்-1,2,3,4 பாதங்கள்)

புனர்பூசம் – 4 ஆம் பாதம். இந்த வாரம் புதிய தொழில் முயற்சிகள் அரசு உதவியுடன் வெற்றி பெரும்.  புத்தக வெளியீட்டாளர்கள், எழுத்தாளர்கள் ஆகியோருக்குத் தொழிலில் நல்ல முன்னேற்றம் இருக்கும். அரசுப் பணியில் இருப்பவர்கள் மேலதிகாரிகளின் ஆதரவு இருப்பதால் சமயம் பார்த்து உங்களுக்கு தேவையான வேலைகளை சாதித்துக் கொள்ளலாம்.  கருத்து வேற்றுமை காரணமாகப் பிரிந்த தம்பதிகளுக்குள் ஒற்றுமை ஏற்பட்டு மீண்டும் இணைந்து பேரின்பம் அடைவர். மிகவும் அன்பு செலுத்தும் பெண்கள் ஆதரவால் லாபம் ஏற்படும். குழந்தைகளின்  சுட்டித் தனங்களை கண்டு  மனமகிழ்ச்சி ஏற்படும். . பக்தி மார்க்கத்தில்  ஈடுபாடு அதிகரிக்கும்.   

பூசம் --  இந்த வாரம் தெய்வ அருளால் வாழ்க்கையில் பல நல்ல திருப்பங்கள் ஏற்படும். சுற்றமும் நட்பும் சூழ சொகுசு வாகனத்தில் உல்லாசமாக சுற்றுலாப் பயணங்கள் செல்வதன் காரணமாக உள்ளம் மகிழும்.  தொழிலைப் பொருத்தவரை எதிர்பாராத, சிறு சிறு தடைகள் ஏற்படலாம். இடைவிடாத உழைப்பின் காரணமாக வேளைக்கு உணவருந்த முடியாத நிலை ஏற்படும். ஆயினும், பணவரவு தடையின்றிக் கிடைப்பதனால் மனதில் மகிழ்ச்சி பொங்கும். பேரின்பம் பெறும் விதமாக மனைவி முழுகாம இருக்கும் சேதி கேட்டு ஆகாயத்தில் மிதப்பது போல் ஆனந்தம் அதிகரிக்கும். மாபெரும் சபைகளில் மாலைகள் விழும் அளவுக்கு உங்கள் புகழ் ஓங்கும்.

ஆயில்யம் – இந்த வாரம் மனைவி மூலம் மட்டற்ற மகிழ்ச்சி நிலவும்.  சிலர் இருக்கும் போதே கீழே விழுந்து காயம் பட நேரும். எனவே, எச்சரிக்கை தேவை. எடுத்த முயற்சிகள் யாவும் வெற்றி அடைய அதிக உழைப்பு தேவைப்படும். அன்றாட வருமானத்தில் நல்ல வளர்ச்சி இருக்கும். வங்கிக் கணக்குகளில் கையிருப்பு கூடும். சிலருக்கு மனை வாங்கும் யோகம் ஏற்படும். அரசு அதிகாரிகளுக்கு துணைபுரிய அநேக கீழ்நிலை உதவியாளர்கள் அமைவர். அரசு வேலைக்கு முயற்சிப்பவர்களுக்கு அதற்கான அனுகூலமான பதில்கள் அரசிடமிருந்து  கிடைக்கும். எழுத்தாளர்களுக்கு  தங்கள் தொழிலில் ஏற்றம் ஏற்படும். ஆரோக்கியம் மேம்படும். வீண் சச்சரவுகளை விலைக்கு வாங்காதீர்கள்

சிம்மம்
leo-simmam

( மகம்-1,2,3,4 பாதங்கள்,பூரம்- 1,2,3,4 பாதங்கள் மற்றும் உத்திரம்- 1 பாதம்)

மகம் – இந்த வாரம் உறவினர் வருகை மகிழ்ச்சி தரும். கேளிக்கைகளால் சந்தோஷம்  ஏற்படும். தாய், மனைவி எனப் பெண்களால் இலாபம் உண்டு. தேவையற்ற விமர்சனங்கள் தவிர்க்க, உறவுகள் மத்தியில் வார்த்தைகளை அளந்து பேசுவது நல்லது. சிலருக்கு ஆன்மிகப் பெரியவர்கள் தரிசனம் கிடைத்து, வாழ்க்கைக்கான வழிகாட்டுதல்களும் கிடைக்கும். உங்கள் வாழ்க்கை ஓட்டத்தில், தெய்வ வழிபாடு மற்றும் தெய்வீக கருத்துக்களைக் கேட்டல் என தெய்வீக வாரமாக அமையும். அதன் காரணமாக சங்கடங்கள் தீர்ந்து, மனதில் ஓர் ஏகாந்தமான அமைதி நிலவும். வியாபாரிகளுக்கு எதிர்பார்த்த இடத்திலிருந்து பண வருமானம் இருக்கும்.

பூரம் – இந்த வாரம்  உங்கள் அழகும் பொலிவும் கூடும். பெயரும், புகழும் ஓங்கும்.  சிலர் பண விஷயங்களில் . எச்சரிக்கையுடன் இருக்காவிட்டால் பிறரிடம் ஏமாற நேரலாம். அரசுப் பணியாளர்களுக்கு புதிய பதவியும், பொறுப்பும் கிடைக்கும். வாகன வசதியும், நற்கல்வியும் கிடைக்கும். சிலருக்கு அரசாங்க விருதுகள் கிடைக்கும்.  வாக்குவன்மை ஓங்கும்.  சிலருக்கு வீடு, மனை ஆகியவை கிடைக்கும்.  பூரண சயன சுகம் ஏற்படும்.  பிறருக்கு உதவும் நல்ல எண்ணம் மேலோங்கும். தீட்டிய முக்கியத் திட்டங்கள் நிறைவேறக் காலதாமதம் ஆகலாம். வியாபாரிகளுக்கு வங்கிக் கடன்கள் கிடைக்கத் தாமதம் ஆகலாம். தெய்வ பக்தி மேலீட்டால் பல திருப்பணிகள் செய்ய மனதில் நாட்டம் ஏற்படும்.

உத்திரம்- 1 பாதம் – இந்த வாரம் அடிக்கடி வெளியூர்ப் பயணங்கள் மேற்கொள்ள நேரும். அரசாங்கத்திடம் இருந்து அனுகூலமான செய்திகள் மற்றும் தகவல்கள் வந்து சேரும்.   சிலருக்கு வேலை விஷயமாக குடும்பத்தை   பிரிய நேரும். வீண் பகையும் ஏற்படலாம். உழைப்பு அதிகமாகி அதற்கேற்ற ஆதாயம் இராது.  தொலைதூர செய்திகள் இல்லத்தில் மகிழ்ச்சி பெருகும். மணவாழ்க்கை மகிழ்ச்சிகரமானதாக இருக்கும். பணிபுரியும் பெண்களுக்குத் தங்கள் பணிகளில் தடைகள் ஏற்படும். பணவரவு அதிகரித்து வருமானம் அதிகரிக்கும். உங்கள் குழந்தைகளைக் கருணை உள்ளத்தோடு அணுகுங்கள். அவர்களுக்குத் தேவையானவற்றை மறுக்காமல் வாங்கிக் கொடுங்கள்.

துலாம்
libra-thulam

( சித்திரை-3,4 பாதங்கள், சுவாதி – 1,2,3,4 பாதங்கள் மற்றும் விசாகம்- 1,2,3 பாதங்கள்)

சித்திரை-3,4 பாதங்கள் – இந்த வாரம்  எதிர்பார்த்த பணவரவு மற்றும் லாபங்கள் பெருகும்.  பிறர் மேல் இரக்கம் ஏற்பட்டு  தான தருமங்கள் செய்வார்கள். அரசாங்கத்தால் அனுகூலம் உண்டு. அரசுப் பணியாளர்கள் உயர் பதவிக்கான முயற்சிகளை எடுப்பர். அரசு உத்தியோகம் மற்றும் தொழிலில் அபிவிருத்தி ஏற்படும். வழக்குகளில் வெற்றி கிட்டும். தொழில் அபிவிருத்திக்காக தீட்டிய முக்கியத் திட்டங்கள் நிறைவேறக் காலதாமதம் ஆகலாம். வியாபாரிகளே, வாக்கால் வாடிக்கையாளர்களை கவர்ந்து இலாபத்தை அதிகரித்துக் கொள்வீர்கள். சிலருக்கு எதிரிகள் பயம் ஏற்படும். எனவே, அவர்களிடமிருந்து விலகி இருப்பது நல்லது. உங்களுக்கு நல்ல செய்திகள் வரும். சுபகாரியச் செலவுகள் ஏற்படும். 

சுவாதி – இந்த வாரம் பெண்களால் இலாபம் ஏற்படும். வீட்டில் சுப நிகழ்ச்சிகள் நடைபெற்று இன்பம் பொங்கும். வியாபார விருத்தியாக தன சேர்க்கை  ஏற்படும். கோடை விடுமுறைக்காக வரும் உறவுகளால் ஏற்படும் இன்பத்துக்கு அளவே இருக்காது. செலவு கூடும்.  புதிய திட்டங்களால் தொழிலில்  இலாபம் அதிகரிக்கும். வாகனங்களில் செல்லும் போது வேகத்தை குறைத்து, எச்சரிக்கையுடன் இருந்தால் விபத்தினைத் தவிர்க்கலாம். திருமணம் ஆகாதவர்களுக்கு நல்ல இடத்தில் திருமணம் நடக்கும். சிலர் பலவகையிலும் பிறரால் குற்றம் சாற்றப்பட்டு அவதிப்பட நேரலாம். அரசு பணிபுரியும் பெண்கள் பதவி உயர்வுகளை எதிர்பார்க்கலாம்.

விசாகம்- 1,2,3 பாதங்கள் – இந்த வாரம் கலைஞர்களுக்கு புதிய ஒப்பந்தங்களால் வருமானம் அதிகரிப்பதால் உள்ளம் மகிழும். புதிய விரிவாக்கங்கள் செய்வதால் தொழிலில் அசாத்திய வளர்ச்சி ஏற்படும். அலுவலகத்தில் மேலதிகாரிகளின் அனுகூல தால் உயர் பதவிக்கான சிபாரிசுகள் மேற்கொள்ளப்படும். கடன் அதிகரித்தால் அதை அடைக்க, எண்ணமெல்லாம் பணத்தை பற்றியதாக இருக்கும். அரசு தொடர்பான விவகாரங்களில் தொல்லை ஏற்படும். தீயோர் தொடர்பு சஞ்சலம் ஏற்படும். நல்ல பண்பாளர்களின் நட்பும், அன்பும் கிடைக்கும். மனதில் தெய்வ பக்தி கூடும். நினைத்ததை நினைத்தபடியே சாதிக்கும் திறன் அதிகரிக்கும். நல் ஆரோக்கியமும், புதுத் தெம்பும், புத்தொளியும் ஏற்படும்.

மீனம்
pisces-meenam

( பூரட்டாதி – 4 ஆம் பாதம், உத்திரட்டாதி-1,2.3.4 பாதங்கள் , ரேவதி- 1,2,3,4 பாதங்கள்)

பூரட்டாதி – 4 ஆம் பாதம் –  இந்த வார ஆரம்பத்தில் வீட்டுக்கு செலவுகள் அதிகரிக்கும். பின்னர், திருமகளின் கருணையால் ஓரளவுக்குப்  பொருளாதார முன்னேற்றங்கள் சிறப்பாக இருக்கும். நவீன வசதிகளுடன் கூடிய புதிய இருசக்கர வாகனம் வாங்க முயற்சி எடுப்பீர்கள். பல வழிகளில் உங்களை நீங்கள் அழகுபடுத்திக் கொள்ளும் வாய்ப்புகள் ஏற்படும். பணிபுரியும் பெண்களுக்குத் தங்கள் குடும்பத்தையும், பணியையும் ஒரு சேர பார்த்தால் இடைஞ்சல்கள் ஏற்படும் அல்லது திணறுவார்கள். ஓய்வின்றி, அடிக்கடி ஏற்படும் வெளியூர்ப் பயணங்களால் அசதி ஏற்படும். மிகப் பிரபலமான நபர் சந்திப்பால், நீங்கள் விரும்பிய இடத்திற்கு, இடமாற்றம் பெறுவீர்கள்.  பண விஷயத்தைப் பொருத்தவரை வரவுகள் அதிகமாக திருப்திகரமான சூழல் நிலவும்.

 உத்திரட்டாதி- இந்த வாரம் பக்தி மார்க்கத்தில் ஈடுபாடு அதிகரித்து, உங்கள் மனம் உயர்ந்த எண்ணங்களை கொண்டதாக அமையும். பணவரவு அதிகரிப்பது போல் இருந்தால், அதற்கேற்ற செலவுகளும் வாசல் வந்து நிற்கும். மனக்கவலைகள் மனைவியின் அரவணைப்பால் குறையும். இனிய கோடை விடுமுறை சுற்றுலா செல்லும் வாய்ப்பு ஏற்படும். அன்னையின் ஆரோக்கியத்தில் அக்கறை கொள்ளும். மாணவர்களின் புதிய கல்லூரிக்கான தேடல் ஆரம்பமாகும்.  மனைவியிடம் மட்டுமல்லாமல்  நண்பர், மற்றும் உறவுகளிடம் கருத்து முரண்பாடுகளை தவிர்த்தால் நிம்மதி பிறக்கும். பெண்களால் முழுமையாக சந்தோஷம் உருவாகும். வாகனங்களில் எச்சரிக்கையுடன் செல்லவும்.

 

ரேவதி- இந்த வாரம் அரசு பணிபுரியும் பெண்கள் தங்களுக்கு விருப்பமான இடத்திற்கு இடமாற்றம் பெற முயற்சிப்பர். சிலருக்கு அனைத்து வசதிகளுடன் கூடிய அழகிய இல்லம் அமையும்.  அரசு வகை  ஆதாயமும், வங்கிகள் மூலமாக கடன் உதவிகள் கிடைத்து,  புதிதாக தொழில் தொடங்கி ஆதாயம் காணும் நிலை ஏற்படும். உங்கள் திறமை மிக்க செயல்களால் வெற்றிகளும், பாராட்டுதல்களும் குவியும். தங்கள் வாழ்க்கையில் வளர்ச்சி மற்றும் நல்ல முன்னேற்றத்துக்கான காலம் இது. பயண சுகம் ஏற்படும். சிலருக்கு இடமாற்றங்கள் ஏற்படலாம். இல்லத்தில் மகிழ்ச்சி பொங்க, மங்கல காரியங்கள் ஈடேறும். குடும்ப விழாக்கள், சந்தோஷத் தருணங்களாக அமையும்.

தனுசு
sagittarius-thanusu

( மூலம்-1,2,3,4 பாதங்கள், பூராடம்- 1,2,3,4 பாதங்கள் மற்றும் உத்திராடம் –1 பாதம்)

மூலம் – இந்த வாரம் குடும்பத்தினர் ஒத்துழைப்பால், நல்ல உயர்வான முன்னேற்றங்களை எதிர்பார்க்கலாம். உங்கள் இல்லத்தில்  மகிழ்ச்சி கரமான கொண்டாட்டங்கள் தூள் பரத்தும். மாணவர்கள் தங்கள் பொன்னான நேரத்தை புதிய கலைகளைக் கற்பதில் செலவழிப்பர். பல திசைகளில் இருந்தும் வரவேண்டிய நிலுவைகள் கைக்கு வந்து சேரும். தங்கள் வாக்கு வன்மை மற்றும் சிறந்த பொதுசனத் தொடர்பு காரணமாக உபரி வருமானம் கிடைக்கும். வேளாண் பொருட்கள் உற்பத்தி விவசாயிகளுக்கு திருப்தி அளிக்கும் வகையில் இருக்கும். நண்பர்கள் மற்றும் உறவினர்களுடன் வீணான வாக்குவாதத்தில் ஈடுபடாதிருப்பது நல்லது. அதுபோல் உங்கள் எதிரிகளிடம் இருந்து விலகி இருப்பது நல்லது.

பூராடம் – இந்த வாரம் பொருளாதார உயர்வினால் எப்போதும் மனதில் மகிழ்ச்சி பொங்கும். குடும்பத்தாருக்கும் அவர்கள் ஆசைகள் நிறைவேற்றுவதால் குதுகலமாய் இருப்பர். அனுபவ பூர்வமான அறிவுத்திறன் கூடும், பூமி வீடு மூலம் இலாபம் ஏற்படும். எல்லா வசதிகளும் இன்பமும் ஏற்படும். பொன் பொருள் ஆபரணங்கள் ஆகியவை விதவிதமான வாங்குவீர்கள். ஆரவாரம் மிக்க சூழலில், கேளிக்கை விருந்து கள் மற்றும் பெண்களின் அருகாமை ஆனந்தமளிக்கும். நல்ல பண்பாளர்களின் தொடர்பால் வாழ்க்கையில் நல்ல முன்னேற்றங்களை அடைவீர்கள். எப்போதும்  மனதில் ஏற்படும் தெய்வ சிந்தனையால் மனநிம்மதி கூடும். சோதனைகள் அனைத்தையும் சாதனைகளாக ஆக்குவார்கள்.

 

 உத்திராடம் –1 ஆம் பாதம் –  இந்த வாரம் திருமண வயது வந்தும், திருமணமாகாத பெண்களுக்கு திருமணத்துக்கான முயற்சிகள் பெற்றோர்களால் மேற்கொள்ளப்படும். நல்ல விஷயங்களுக்காக அலைச்சல்கள் ஏற்படும். தேவையற்ற நெடுந்தூரப் பயணங்கள் மேற்கொள்ள நேரும். பெரிய இடத்துப் பெண்   மனைவியாக அமைவாள்.  பங்களா போன்ற பெரிய வீடு கிடைக்கும். தாயின்  ஆரோக்கியத்தில் அக்கறை தேவை. சிலருக்கு குடும்ப வாழ்க்கையில் குழப்பம் வரலாம். கடன் கொடுத்தவர்கள் கண்டிப்புடன் நடந்து கொள்வர். அரசு ஊழியர்களுக்கு அவர்கள் இடும் கட்டளைகளை ஏற்று நடக்கும்படியான அதிகாரம் மிக்க உயர் பதவிகள் கிடைக்கும். சிலருக்கு தெய்வ சங்கல்பத்தால் புத்திர பாக்கியம் ஏற்படும் வழி பிறக்கும்.

விருச்சிகம்
scorpio-viruchagam

( விசாகம்- 4, அனுஷம்- 1,2,3,4 பாதங்கள் மற்றும் கேட்டை -1,2,3,4 பாதங்கள் )

விசாகம்- 4 ஆம் பாதம் –  இந்த வாரம் அரசு பணியில் உள்ளவர்களுக்கு பலநாள் கனவான, உயர்பதவிகள் கிடைக்கும்.  குடும்பத்தோடு பல புண்ணியத் தலங்களுக்கு பயணம் செய்து மகிழும் வாய்ப்பு கிட்டும். பணக்கார மனைவியும் அமைவாள். அழகான, எழில் நிறைந்த வீடு கிடைக்கும். தாயின்  ஆரோக்கியத்தில் அக்கறை தேவை.  உங்கள் அசாத்தியத் திறமைகளை மெச்சி கௌரவ டாக்டர் பட்டம், உயர் பதவி ஆகியவை தேடிவரும். எதிர்பாராத தனவரவுகள் கைக்கு வந்து சேரும். பணம் வந்தால் செலவுகளும் வரும் தானே ? கேளிக்கை, பிறந்த நாள் விருந்துகள் எனச் செலவுகளோடு, மகிழ்ச்சி பொங்கும் வாரமாக அமையும். பெண்களுக்கு அலுவலகத்தில் புதுப் பதவிகளும் அதனால் வருவாய் பெருக்கமும் ஏற்படும்..

அனுஷம் – இந்த வாரம் மகான்களின் ஆசியும், புதிய அரசுத் தொடர்புகள் நன்மைகளும் ஏற்படும். போட்டி, பந்தயங்களில் வெற்றி கிடைக்கும். சிலருக்குப் பொன் பொருள் ஆபரணங்கள் ஆகியவை விதவிதமாகக் கிடைக்கும். வியாபார சம்பந்தமான  வெளிநாட்டு பயணங்களும், அதனால் ஆதாயங்களும் ஏற்படும். கலைஞர்களுக்குப் புதிய ஒப்பந்தங்கள் கையெழுத்தாகும். பிரபலமானவர்களின் நட்பால் உங்களுக்கு வேண்டியதை சாதித்துக் கொள்வீர்கள். தொழில் சம்பந்தமான திடீர் பயணங்களால் ஆதாயம் ஏற்படலாம்.  பழைய கடன்களை அடைக்க புதிய கடன்கள் வாங்க நேரலாம். இடைவிடாத பணி காரணமாக நேரத்திற்கு உணவு உண்ண இயலாமல் போகும்.

 

கேட்டை – இந்த வாரம் புதிய தொழில் தொடங்க, எதிர்பார்த்தபடி அரசு உதவிகள் அனைத்தும் தாமதமின்றி கிடைக்கும்.  பெரிய மனிதர்கள் மற்றும் அரசு அதிகாரிகள் ஆதரவால் நினைத்த காரியங்கள் எளிதில் முடிவடையும். சில நேரங்களில் சுறுசுறுப்பற்ற நிலையும், மனோபயம் நிலவும். பக்தி சொற்பொழிவுகள், பாடல்கள் கேட்பதில் ஆர்வம் எழும். எதிர்பாராத தனவரவு, புத்திர பாக்கியம், சுபகாரிய நிகழ்ச்சிகள் ஆகியவை ஏற்படும். தொழிலில் புதிய விரிவாக்கங்கள் செய்வதால் எதிர்பாராத அளவுக்கு அசாத்திய வளர்ச்சி ஏற்படும். மேலதிகாரிகளின் உதவி மற்றும் அனுகூல தால் உயர் பதவிக்கான சிபாரிசுகள் மேற்கொள்ளப்படும்.  புண்ணியத் தல யாத்திரைகள் ஏற்படும். 

கும்பம்
aquarius-kumbam

( அவிட்டம் – 3,4 பாதங்கள்– சதயம்-1,2,3,4 பாதங்கள்-பூரட்டாதி-1,2,3 பாதங்கள்)

அவிட்டம் – 3,4 பாதங்கள்— இந்த வாரம் வியாபாரத்தில் நல்ல ஆதாயம் பெற, புதிய திட்டங்களில் உங்கள் பணத்தை முதலீடு செய்வார்கள்.  வீட்டில் நவீன உபகரணங்கள் வாங்கி மகிழ்வீர்கள். வியாபார சம்பந்தமான வெளிநாட்டுப் பயணங்கள் இலாபம் தரும். வங்கிக் கணக்கில் ரொக்க இருப்பு கூடும். இதுவரை கடினமாக இருந்த காரியங்கள் எளிதில் கைகூடும். பயிர் விளைச்சல்கள் அதிகரிக்கும் சூழ்நிலைகள் உருவாகும். குடும்ப உறவுகளின் பரிபூர்ண ஒத்துழைப்பு கிடைக்கும். தனச்சேர்க்கை உண்டு. பெண்களால் மன மகிழ்ச்சி ஏற்படும். பழைய நண்பர் ஒருவரின் வரவு அந்த நாள் ஞாபகங்கள் நினைவுறுத்தி மகிழ்விக்கும். மனம் எப்போதும் மகிழ்ச்சியாக நிரம்பி வழியும். பூமி அல்லது வாகனம் வாங்கும் யோகம் குறி காட்டப்படுகிறது.

 சதயம்- இந்த வாரம் தொலை தூரத்திலிருந்து நற்செய்திகள் வந்து மகிழ்ச்சி அளிக்கும். உதவிகரமான புதிய நண்பர்கள் கிடைப்பர்.  எழுத்துத் தொழிலில் முன்னேற்றம் ஏற்படும். தாய் மாமனுக்கு நன்மை ஏற்படும். சிலருக்குக் கௌரவப் பட்டங்கள் கிடைக்கும். இரவு மற்றும் தூரப் பயணங்கள் எச்சரிக்கை தேவை. உங்களுக்கு  உழைப்பு அதிகமாகி. அதற்கேற்ற இலாபமோ, பலனோ கிடைக்காது. ஆரோக்கியக் குறைவு ஏற்படலாம். அனைத்து காரியங்களிலும் சுறுசுறுப்பாகச் செயல்படுவீர்கள். புதுத்தெம்பு, உற்சாகமும் கூடும். வாகன வசதிகள் மேம்படும். மதிப்பும், அந்தஸ்து உயரும். சிலருக்கு அதிகாரப் பதவியும், அமைச்சர் போன்ற பதவிகளும் கிடைக்கும் வாய்ப்பு ஏற்படும்.

 

பூரட்டாதி-1,2,3 பாதங்கள் –  இந்த வாரம் பண விஷயத்தைப் பொருத்தவரை வரவுகள் அதிகமாக திருப்திகரமான வாரமாக இருக்கும். நீண்ட நாளாக வராத கடன் பாக்கிகள் வசூலாகும். உறவுகள், நண்பர்கள் மற்றும் குடும்பத்தார் மூலம் உபகாரங்கள் தடைப்படாது. எடுத்த  புதிய முயற்சிகள் யாவும் வெற்றி அடைய கடின உழைப்பு தேவைப்படும். புதிய பெண்கள் தொடர்பு ஏற்படும். பல வகையான உயர்ந்த வாகன வசதிகள் அமையும். சிலருக்குப் பெரிய இடத்துப் பெண் மனைவியாக அமைவாள். மனைவி மூலம் பூர்ண சுகம் கிடைக்கும். மாணவர்களுக்கு கல்வியில் தேர்ச்சி உண்டாகும். சொற்பொழிவுத் திறன் அதிகரிக்கும். அரசு பதவியில் உள்ளவர்கள் வேண்டியவர்களாக அவர்கள் பயன் பெறுவர். நல்ல புத்திர பாக்கியம் ஏற்படும். 

Idhayam Matrimony

கிட்சன் சமையல் - ருசித்து பாருங்க!!