மெக்சிகோ : மெக்சிகோவில் உள்ள தேவாலயத்தில் மேல் சுவர் இடிந்து விழுந்து வழிபாட்டில் கலந்து கொண்டவர்களில் 9 பேர் பரிதாபமாக உயிரிழந்தனர். 

வடக்கு மெக்சிகோவில் உள்ள ஆலயத்தில் மேல் சுவர் நேற்று முன்தினம் பிரார்த்தனையின் போது திடீரென இடிந்து விழுந்தது. இதில் வழிபாட்டில் கலந்து கொண்ட பலர் சிக்கிக் கொண்டனர். தகவல் அறிந்து அங்கு விரைந்த ராணுவத்தினர் மீட்பு பணியில் ஈடுபட்டனர். 

இதில் 9 பேர் உயிரிழந்த நிலையில் 30 பேர் இடிபாடுகளில் சிக்கி தவிப்பதாக தெருவிக்கப்பட்டுள்ளது.  அவர்களை மீட்கும் பணியில் தன்னார்வர்களுடன் சேர்ந்து ராணுவத்தின் மீட்பு பணியில் ஈடுபட்டு வருகின்றனர். முன்னதாக இடிபாடுகளில் சிக்கியவர்களின் சத்தத்தை துல்லியமாக அறிந்து அங்கு சிக்கியிருப்பவர்களை மீட்கும் வகையில் அங்கிருந்தவர்களை பாதிரியார் அமைதிப்படுத்தினார்.