கலைஞர் கருணாநிதி நினைவிடம் திறப்பு விழாவுக்கு வாருங்கள் சட்டசபையில் முதல்வர் மு.க.ஸ்டாலின் அழைப்பு

சென்னை:கலைஞர் கருணாநிதி நினைவிடம் திறப்பு விழாவுக்கு வாருங்கள் என்று முதல்வர்  மு.க.ஸ்டாலின் அழைப்பு விடுத்துள்ளார். வருகிற 26-ம் தேதி இரவு 7 மணிக்கு கலைஞர் நினைவிடம் திறக்கப்படும் என்று முதல்வர்  மு.க.ஸ்டாலின் சட்டப்பேரவை கேள்வி பதில் நேரத்தில் அறிவித்தார்.

இதுகுறித்து அவர் கூறும்போது, "கலைஞர் நினைவிடத்தில் கட்டுமான பணிகள் முடிவடைந்துவிட்டது. சிறப்பு விழாவாக கொண்டாட விரும்பவில்லை. நிகழ்ச்சியாகவே நடத்த முடிவெடுத்துள்ளோம். அண்ணா நினைவிடமும் புதுப்பிக்கப்பட்டு இருக்கிறது. வருகிற 26-ம் தேதி இரவு 7 மணிக்கு திறக்கப்படும். ஆளும் கட்சி, எதிர்க்கட்சி, கூட்டணி கட்சி, தோழமைக் கட்சி என அனைத்துக்கட்சி சார்ந்த சட்டமன்ற உறுப்பினர்களும் நிகழ்ச்சியில் பங்கேற்க வேண்டும்" என்று முதல்வர்  மு க ஸ்டாலின் அழைப்பு விடுத்தார்.