பருவமழை வழக்கத்தை விட 59 சதவீதம் அதிகம் : வானிலை ஆய்வு மையம் தகவல்

சென்னை : தமிழகத்தில் இந்தாண்டு தென்மேற்கு பருவமழை வழக்கத்தை விட 59 சதவீதம் கூடுதலாகப் பெய்துள்ளது என சென்னை வானிலை ஆய்வு மையம் தெரிவித்துள்ளது.

தமிழகத்தில் தென்மேற்கு பருவமழை தொடர்ச்சியாக பெய்து வருகிறது. இது குறித்து சென்னை வானிலை மையம் வெளியிட்ட அறிக்கை: தமிழகம் மற்றும் புதுச்சேரியில் கடந்த ஜூன் 1ம் தேதி முதல் நேற்று (ஆகஸ்ட்6) வரை சராசரியாக 211 மி.மீ., மழை பதிவாகியுள்ளது. வழக்கத்தை விட 59 சதவீதம் கூடுதலாகப் பெய்துள்ளது.

மாவட்டம் வாரியாக மழை விபரம் (மி.மீ.,):  நீலகிரி 1003.9, கோவை 748, ராணிப்பேட்டை 429, சென்னை 411.7,  திருவள்ளூர் 411.7, காஞ்சிபுரம் 408.2,  செங்கல்பட்டு 337.4, கன்னியாகுமரி 326.6,  வேலூர் 300.7,  திருவண்ணாமலை 262.2.மி.மீ. மழை பதிவாகியுள்ளது.

நேற்று காஞ்சிபுரம், செங்கல்பட்டு, விழுப்புரம், புதுச்சேரி, கடலூர், மயிலாடுதுறை, காரைக்கால், திருவாரூர், நாகப்பட்டினம், தஞ்சாவூர், புதுக்கோட்டை ஆகிய 11 மாவட்டங்களில் கனமழை பெய்ததாகவும் வானிலை ஆய்வு மையம் தெரிவித்துள்ளது.