இந்திய பங்குச் சந்தைகள் 2வது நாளாக சரிவு

மும்பை, ரிசர்வ் வங்கியின் கொள்கை முடிவுகளுக்கு முன்னதாக பங்குச் சந்தை வணிகம் 2வது நாளாக  நேற்றும் (பிப். 6) சரிவுடன் முடிந்தது. சென்செக்ஸ் 213 புள்ளிகளும் நிப்டி 23, 650 புள்ளிகளுக்கு கீழும் சரிந்தது.

இந்திய ரிசர்வ் வங்கியின் நிதிக் கொள்கைக்குழு புதன்கிழமை ஆலோசனையைத் தொடங்கியது. 3 நாள்கள் நடைபெறும் இந்த ஆலோசனை இன்று வரை நடைபெறவுள்ளது. இதில் முக்கிய முடிவுகள் அறிவிக்கப்பட வாய்ப்புள்ளதாக எதிர்பார்க்கப்படுகிறது. இக்கொள்கைக் குழுவின் முடிவுகளுக்கு முன்னதாக, தொடர்ந்து 2வது நாளாக பங்குச் சந்தை வணிகம் நேற்று (பிப். 6) சரிவுடன் முடிந்தது.

மும்பை பங்குச்சந்தை குறியீட்டு எண் சென்செக்ஸ் 213.12 புள்ளிகள் சரிந்து 78,058.16 புள்ளிகளாக வணிகம் நிறைவு பெற்றது. மொத்த வணிகத்தில் இது 0.27 சதவீதம் சரிவாகும். தேசிய பங்குச்சந்தை குறியீட்டு எண் நிப்டி 92.95 புள்ளிகள் சரிந்து 23,603.35 புள்ளிகளாக நிறைவு பெற்றது. இது மொத்த வணிகத்தில்0.39 சதவீதம் சரிவாகும்.