கேரளாவில் அச்சுதானந்தன் எதிர்க்கட்சித் தலைவராகிறார்

திருவனந்தபுரம்,மே.- 16 - கேரள மாநிலத்தில் கம்யூனிஸ்டு தலைமையிலான இடதுசாரி முன்னணி வெற்றி வாய்ப்பை தவற விட்ட போதிலும் பதவியிழந்த முன்னாள் முதல்வர் அச்சுதானந்தனின் வலு இப்போது மேலும் கூடியுள்ளது. கட்சியினர் மத்தியில் இவரது செல்வாக்கு அதிகரித்துள்ளது. எதிர்க்கட்சித் தலைவராக இவரையே இருக்குமாறு கட்சி தலைமை கூறும் எனத் தெரிகிறது. இதையடுத்து செய்தியாளர்களிடம் பேசிய அச்சுதானந்தன், மக்களின் தீர்ப்பை ஏற்பதாக கூறினார். ஜனநாயக விரோத செயலில் ஈடுபட்டு ஆட்சியை கைப்பற்றும் எண்ணம் தனக்கு கிடையாது. காங்கிரஸ் தலைமையிலான அரசு ஊழல் செய்வதற்கு தங்கள் கட்சி ஒருபோதும் அனுமதிக்காது என்றும் அவர் கூறினார்.