தமிழகம்-புதுச்சேரியில் மீன் விலை கிடுகிடு உயர்வு

ஞாயிற்றுக்கிழமை, 17 ஏப்ரல் 2011 தமிழகம்

அ+ அ-

சென்னை, ஏப்.18 - மீனவர்கள் 45 நாட்கள் மீன் பிடிக்க தடை விதிக்கப்பட்டுள்ளதால் தமிழகம் மற்றும் புதுச்சேரியில் மீன் விலை கிடு கிடுவென்று உயர்ந்துள்ளது.மீன்களின் இனப்பெருக்க காலமான ஏப்ரல் மற்றும் மே மாதங்களில் தமிழகம் மற்றும் புதுச்சேரி கடல் பகுதியில் மீனவர்கள் விசைப் படகுகள் கொண்டு மீன் பிடிக்க தடை விதிக்கப்படுவது வழக்கமான ஒன்று. இந்த ஆண்டு இந்த தடை கடந்த 15 ம் தேதி துவங்கியது. இதையொட்டி தமிழகம் முழுவதும் 10 ஆயிரத்திற்கும் மேற்பட்ட விசைப்படகுகள் மீன் பிடிக்க செல்லாமல் நிறுத்தி வைக்கப்பட்டுள்ளன.

ஆனால் இந்த காலத்தில் கட்டுமரம், பைபர் படகுகளில் மீன்பிடிப்பவர்கள் 30 கிலோ மீட்டருக்குள் மீன் பிடிக்கலாம். ஆனால் இந்த கடல் பகுதியில் குறைந்த அளவு மீன்களே கிடைக்கும் என்பதால் மீன் வரத்து குறைந்தது. இதனால் மீன்களின் விலை தாறுமாறாக உயர்ந்தது. உள்நாட்டு மீன் தேவையை பூர்த்தி செய்ய கேரளம், மகாராஷ்ட்ரம், கர்நாடகா மாநிலங்களில் இருந்து மீன்கள் இறக்குமதி செய்யப்படுகின்றன. இருந்தாலும் மீன் விலை உயர்வை தடுக்க முடியவில்லை. மீன் விலை ஒரு கிலோவுக்கு 100 ரூபாய் வரை உயர்ந்துள்ளது குறிப்பிடத்தக்கது.

மீன் பிடிக்க தடை விதிக்கப்பட்டுள்ளது குறித்து கருத்து தெரிவித்த இந்திய மீனவர் சங்க தலைவர் தயாளன், மீன்பிடிக்க தடை விதிக்கப்பட்டுள்ள காலங்களில் மீனவர்களின் குடும்பத்திற்கு ரேஷன் கார்டு ஒன்றுக்கு அரசு மானியமாக ரூ.800 வழங்குகிறது. இதனை உயர்த்த வேண்டும். கரை ஓரத்தில் படகுகளை நிறுத்தி வைப்பதால் படகுகளின் அடிப்பகுதி அதிகம் சேதமடைகிறது. எனவே படகுகளை பராமரிக்க ஒரு தொகையையும் அரசு வழங்க வேண்டும் என்றார்.

விசைப்படகு உரிமையாளர்கள் ராஜு தெரிவிக்கும்போது, தமிழகம் மற்றும் புதுச்சேரி மீனவர்கள் கடலில் சென்று மீன் பிடிக்க தடை விதிக்கப்பட்டுள்ளது. ஆனால் இலங்கை மீனவர்கள் இக்காலத்தில் மீன் பிடிக்க எந்த தடையும் இல்லை. இதனால் அவர்கள் தாராளமாக இந்த காலத்தில் இப்பகுதியில் வந்து மீன்களை பிடித்துச் செல்கின்றனர். இதனால் மீன்களின் இனவிருத்தி பாதிக்கப்படும். எனவே கடலோர காவல் படை இக்காலத்தில் ரோந்துப் பணிகளை கடுமையாக்கி இலங்கை மீனவர்கள் நம் பகுதியில் மீன் பிடிப்பதை தடுக்க வேண்டும் என்று கேட்டுக்கொண்டார்.

இதை ஷேர் செய்திடுங்கள்:

உங்கள் சரியான வாழ்க்கை துணையை தேர்ந்தெடுக்க இதயம் மேட்ரிமோனி - பதிவு இலவசம்

சினிமா நடிகர், நடிகைகளின் புகைப்படங்கள்

சித்த மருத்துவ குறிப்புக்கள்

மூளை பலம் பெற \| ஞாபக சக்தி பெருக \| மூளை சுறுசுறுப்பாக \| சுறுசுறுப்பு பெற - சித்த மருத்துவ குறிப்புக்கள் 1 year 7 months ago	புண்கள் குணமாக \| ஆறாத புண்களை ஆற்ற \| சிராய்ப்பு புண் \| மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 7 months ago	வாந்தி நிற்க \| கர்ப்பகால வாந்திக்கு, குமட்டல், பித்த வாந்தி 1 year 8 months ago
இரத்த வாந்தி மற்றும் வயிற்று வலி குணமாக \| கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 8 months ago	மூட்டு வலி குணமாக 7 எளிய வீட்டு வைத்தியம் \| இடுப்பு வலி குணமாக \| தவிற்கணவேண்டிய உணவுகள் 1 year 10 months ago	வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் \| பழங்கள் மற்றும் உணவு முறை 1 year 10 months ago

வீடியோ

அடுக்குத் தும்மல் எதனால் வருகிறது அடுக்குத் தும்மலுக்கு இயற்கையான தீர்வு.	6 விதமான நோய்களை குணப்படுத்தும் மக்கா சோளம்.	எலும்புத் தேய்மானம் வராமல் தடுக்கும் அற்புத நீர்.
உடலுக்கு புத்துணர்ச்சியை தரும் அற்புதமான பானம் நியாபகசக்தி மற்றும் ஹீமோகுளோபினை அதிகரிக்கும்	கிட்டப்பார்வை தூரப்பார்வை குறைபாடுகளை சரிசெய்ய எளிய டிப்ஸ்	தோல் நோய் பிரச்சனைகள் வராமல் தடுப்பது எப்படி?

அரசியல்

இந்தியா

சினிமா

ஆன்மிகம்