போர் நிறுத்த ஒப்பந்தத்தை மீறி பாக்., படை மீண்டும் தாக்குதல்

புதுடெல்லி, ஜன.17 - ஜம்மு-காஷ்மீர் மாநிலம், பூஞ்ச் மாவட்டம், மெந்தார் என்ற இடத்தில் எல்லைக் கட்டுப்பாடு அருகே பாகிஸ்தான்  தாக்குதல் நடத்தியது. சிறிதுநேரமே நடந்த இந்தத் தாக்குதலில் உயிரிழப்பு எதுவும் ஏற்படவில்லை. இரு நாடுகள் இடையே பிரிகேடியர் நிலையில் பேச்சுவார்த்தை நடந்து முடிந்த பின்  பாகிஸ்தான்  5-வது முறையாக எல்லை தாண்டி துப்பாக்கிச்சூடு நடத்தியுள்ளது.பிரதமர், பாதுகாப்பு மந்திரி, ராணுவ தளபதி  என பலரும் பாகிஸ்தானுக்கு எச்சரிக்கை விடுத்துள்ள நிலையில் தொடரும் அத்துமீறல்களால் எல்லையில் பதற்றமான சூழ்நிலை உருவாகியுள்ளது. 

பாகிஸ்தான் ராணுவத்தால் தலை துண்டித்துக் கொல்லப்பட்ட இந்திய ராணுவ வீரர் ஹேம்ராஜ் வீட்டுக்கு, ராணுவத் தளபதி பிக்ரம்சிங் சென்று அவரது குடும்பத்தினருக்கு ஆறுதல் கூறினார்.