சத்தீஷ்கார் ரயில் விபத்து: பலி 11 ஆக அதிகரிப்பு

ராய்ப்பூர்: சத்தீஷ்கார் ரயில் விபத்தில் பலியானோர் எண்ணிக்கை 11 ஆக உயர்ந்துள்ளது.

சத்தீஷ்கார் மாநிலம் பிலாஸ்பூர் ரயில் நிலையம் அருகே நேற்று முன்தினம் மாலை சரக்கு ரயில் நின்றுகொண்டிருந்தது. அப்போது அந்த வழியில் வந்த மெமு ரயில் நின்றுகொண்டிருந்த சரக்கு ரயில் மீது மோதியது. இந்த கோர விபத்தில் மெமு ரயிலின் பெட்டிகள் தடம் புரண்டன. இந்த விபத்தில் கடந்த 3 தினங்களுக்கு முன்பு 6 பேர் உயிரிழந்ததாக அறிவிக்கப்பட்டது.

இந்நிலையில், ரயில் விபத்தில் உயிரிழந்தோர் எண்ணிக்கை 11 ஆக அதிகரித்துள்ளது. மேலும், இந்த சம்பவத்தில் படுகாயமடைந்த 20 பயணிகளுக்கு மருத்துவமனையில் தொடர்ந்து சிகிச்சை அளிக்கப்பட்டு வருகிறது. இதில் சிலரின் நிலைமை கவலைக்கிடமாக உள்ளதால் பலி எண்ணிக்கை மேலும் அதிகரிக்கும் என அஞ்சப்படுகிறது.