135 குழந்தைகள், 126 பேரக் குழந்தைகள் மற்றும் 28 மனைவிகள் முன்னிலையில் 37-வது திருமணம் செய்த தாத்தா

கோஹிமா : முதியவர் ஒருவர், 135 குழந்தைகள், 126 பேரக்குழந்தைகள், 28 மனைவிகள் முன்னிலையில் 37-வது திருமணம் செய்துள்ளது வைரலாகியுள்ளது.

28 மனைவிகள், 135 குழந்தைகள் மற்றும் 126 பேரக்குழந்தைகள் முன்னிலையில், 37-வது திருமணமாக இளம்பெண் ஒருவரை மணந்துள்ளார் ஒரு முதியவர். இது குறித்த வீடியோ ஒன்றை, நாகாலாந்தை சேர்ந்த ஐ.பி.எஸ். அதிகாரி ருபின் ஷர்மா தனது டுவிட்டர் பக்கத்தில் பதிவிட்டுள்ளார். 

அதில், தைரியமான மனிதர், 37-வது திருமணம் அதுவும் 28 மனைவிகள், 135 குழந்தைகள், 126 பேரக்குழந்தைகள் முன்னிலையில் என குறிப்பிட்டுள்ளார். கடந்த 6-ம் தேதி பகிர்ந்துள்ள இந்த வீடியோ தற்போது வைரலாகியுள்ளது.