முக்கிய செய்திகள்
Idhayam Matrimony

சீனாவில் பரவும் புதிய வகை காய்ச்சல்: தடுப்பு நடவடிக்கை குறித்து தமிழக சுகாதாரத்துறையினர் ஆலோசனை

திங்கட்கிழமை, 27 நவம்பர் 2023      தமிழகம்
Corona 2022-12-29

சென்னை, கொரோனா பெருந்தொற்றை தொடர்ந்து சீனாவில் தற்போது புதிய வகை நிமோனியா காய்ச்சல் என்பது வேகமாக பரவி வருவதாக தகவல் வெளியாகியுள்ளது. இந்த நிலையில், தமிழக சுகாதாரத் துறை அதிகாரிகள் ஆலோசனை நடத்தினர். 

சுகாதாரத்துறை முதன்மை செயலாளர் ககன்தீப் சிங் பேடி, பொது சுகாதாரத்துறை இயக்குனர் செல்வவிநாயகம் மற்றும் தொற்றுநோய் தடுப்பு அதிகாரிகள் இந்த கூட்டத்தில் பங்கேற்றனர்.

காணொலி காட்சி வாயிலாக நடைபெற்ற இந்த ஆலோசனை கூட்டத்தில் தொற்றுநோய் பரவாமல் தடுக்க எடுக்க வேண்டிய நடவடிக்கைகள் குறித்து விவாதிக்கப்பட்டது. ஆரம்ப சுகாதார நிலையங்கள், அரசு மருத்துவமனைகள், மருத்துவக் கல்லூரி மருத்துவமனைகள் போன்றவற்றில் முன்னெச்சரிக்கை நடவடிக்கைகளை மேற்கொள்வது குறித்து ஆலோசனையில் ஈடுபட்டனர்.

குறிப்பாக பரவக்கூடிய புதிய தொற்றானது குழந்தைகளையும், முதியவர்களையும் அதிகமாக பாதிக்கும் என்று கருதப்படுவதால் அதற்கான முன்னெச்சரிக்கை நடவடிக்கைகள் மேற்கொள்வது, போதுமான ஆக்சிஜன் கையிருப்பு, முக கவசம், அவசரகால மருந்துகள் கையிருப்பு வைப்பது தொடர்பாகவும் ஆலோசனை நடைபெற்றது. நிமோனியா நோய் தொற்று குறித்த வழிகாட்டு நெறிமுறைகள் விரைவில் வெளியிடப்பட உள்ளதாக தகவல் வெளியாகியுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து