முக்கிய செய்திகள்
Idhayam Matrimony

விக்கிரவாண்டி இடைத்தேர்தல்: பா.ம.க. வேட்பாளராக சி.அன்புமணி அறிவிப்பு

சனிக்கிழமை, 15 ஜூன் 2024      தமிழகம்
PMK 2024-05-15

Source: provided

சென்னை : விக்கிரவாண்டி தொகுதி இடைத்தேர்தலில் பா.ம.க வேட்பாளராக சி.அன்புமணி  அறிவிக்கப்பட்டுள்ளார்

விக்கிரவாண்டி சட்டசபை தொகுதி எம்.எல்.ஏ.வாக இருந்த நா.புகழேந்தி. கடந்த ஏப்ரல் மாதம் 6-ம் தேதி திடீர் உடல்நலக் குறைவால் காலமானார். இதனால் விக்கிரவாண்டி சட்டசபை தொகுதி காலியானதாக அறிவிக்கப்பட்டது. 

இதனையடுத்து விக்கிரவாண்டி சட்டசபை தொகுதிக்கான இடைத்தேர்தல் அறிவிப்பு கடந்த  10-ம் தேதி இந்திய தேர்தல் ஆணையத்தால் வெளியிடப்பட்டது.  இதன்படி, விக்கிரவாண்டி தொகுதியில் அடுத்த மாதம்  10-ம் தேதி இடைத்தேர்தல் நடைபெற உள்ளது. 

விக்கிரவாண்டி தொகுதியில் தி.மு.க சார்பில் அன்னியூர் சிவா போட்டியிடுகிறார். நாம் தமிழர் கட்சி சார்பில் டாக்டர் அபிநயா வேட்பாளராக அறிவிக்கப்பட்டுள்ளார். விக்கிரவாண்டி தொகுதியில் பா.ஜ.க. கூட்டணியில் பா.ம.க போட்டியிடும் என்று  அண்ணாமலை நேற்று முன்தினம் அறிவித்திருந்தார். 

இந்த நிலையில், விக்கிரவாண்டி தொகுதி பா.ம.க வேட்பாளராக சி.அன்புமணி அறிவிக்கப்பட்டுள்ளார். இது தொடர்பாக ராமதாஸ் வெளியிட்டுள்ள அறிக்கையில் கூறப்பட்டுள்ளதாவது:  

விக்கிரவாண்டி இடைத்தேர்தலில் பாட்டாளி மக்கள் கட்சியின் வேட்பாளராக மாநில துணைத்தலைவர் சி.அன்புமணி  போட்டியிடுவார் என்பதை தெரிவித்துக் கொள்கிறேன் என்று கூறியுள்ளார்.

விக்கிரவாண்டி தொகுதியில் பா.ம.க. வேட்பாளராக அறிவிக்கப்பட்டுள்ள சி.அன்புமணி, கடந்த 2016-ம் ஆண்டு சட்டமன்ற தேர்தலின்போது இதே தொகுதியில் போட்டியிட்டு தோல்வி அடைந்துள்ளார். 

2016-ம் ஆண்டு   விக்கிரவாண்டி தொகுதியில்  பா.ம.க. தனித்து களமிறங்கியது. இதில் பா.ம.க. வேட்பாளர் சி.அன்புமணி 41,428 வாக்குகள் பெற்று 3-ம் இடம் பிடித்தார். தி.மு.க. சார்பில் போட்டியிட்ட ராதாமணி  63,757 வாக்குகள் பெற்று வெற்றி பெற்றார். அ.தி.மு.க. சார்பில் போட்டியிட்ட ஆர்.வேலு 58,845 வாக்குகள் பெற்று 2-வது இடம் பிடித்தார்.  

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 2 weeks 3 days ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 2 weeks 3 days ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 month 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 month 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 months 2 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 months 2 weeks ago
View all comments

வாசகர் கருத்து