பஹல்காம் பயங்கரவாத தாக்குதலுக்கு இந்தியா தக்க பதிலடி கொடுக்கும்: நட்டா

புதுடில்லி, ஜம்மு-காஷ்மீரில் பஹல்காமில் நடைபெற்ற பயங்கரவாதத் தாக்குதலுக்குக் காரணமானவர்களுக்கு இந்தி தக்க பதிலடி கொடுக்கும் என  பா.ஜ.க. தலைவர் ஜெ.பி.நட்டா தெரிவித்தார்.

நேற்று காலை நட்டா ஸ்ரீமந்த் தகாதுஷேத் கணபதிக்கு கோயிலுக்குச் சென்ற பிரார்த்தனை செய்த பின்னர் செய்தியாளர்களுடன் பேசினார். அப்போது அவர் கூறுகையில், பஹல்காமில் நடந்த தாக்குதலுக்கு இந்தியா தக்க பதிலடி கொடுக்கும் என்று முழு நாடும் எதிர்ப்பார்க்கிறது. சமீபத்திய ஆண்டுகளில் காஷ்மீரில் நடந்த மிகக் கொடூரமான பயங்கரவாத தாக்குதல்களில் ஒன்றான, பஹல்காமில் ஏப்ரல் 22ல் பிரபல பைசரன் புல்வெளியில் சுற்றுலாப் பயணிகள் மீது பயங்கரவாதிகள் துப்பாக்கிச் சூடு நடத்தினர். இந்த தாக்குதலில் 26 பேர் கொல்லப்பட்டனர்.

ஜம்மு-காஷ்மீரில் நடத்தப்பட்ட கோழைத்தனமான தாக்குதலுக்கு நாடு முழுவதும் கோபமடைந்துள்ளனர். மேலும் இந்தத் தாக்குதலுக்குப் பிரதமர் மோடி வலுவான பதிலடி கொடுப்பார்கள் என்று அவர்கள் நம்புகிறார்கள். கணபதியின் ஆசீர்வாதம், அவரது ஞானம் மற்றும் சக்தியுடன் நாடு இந்த கடினமான காலத்தைக் கடந்துசெல்லும். நாடு இந்த நிலைமையை வலுவாக எதிர்கொள்ள வேண்டும் என்றும், தாக்குதலுக்குக் காரணமானவர்களுக்கு தக்க பதிலடி கொடுக்க வேண்டும் என்றும் அவர் கூறினார்.