வில் (உயில்) திரை விமர்சனம்

தொழிலதிபர் ஒருவர் தனது சொத்துக்களை இரண்டு மகன்களுக்கு பகிர்ந்து கொடுத்து விட்டு ஒரு வீட்டை அலக்கியா பெயரில் எழுதி வைத்து விட்டு பின் இறந்து விடுகிறார். அந்த வீட்டை அபகறிக்கும் நோக்கில் வேறு ஒரு பெண்ணை அலக்கியா என்று கூறி தொழிலதிபரின் மகன்  நீதிமன்றத்தில் நிறுத்துகிறார். அந்த பெண் மீது சந்தேகமடையும் நீதிபதி சோனியா அகர்வால், இந்த வழக்கின் உண்மையை விசாரிக்கும் பொறுப்பை சப் இன்ஸ்பெக்டர் விக்ராந்திடம் ஒப்படைக்கிறார். அதன்படி விசாரணையை மேற்கொள்ளும் சப் இன்ஸ்பெக்டர் விக்ராந்த், உண்மையான அலக்கியாவை கண்டுபிடித்தாரா? அவர் யார்? என்ற கேள்விகளுக்கான விடை தான் ‘வில்’. நீதிபதியாக நடித்திருக்கும் சோனியா அகர்வால், தனது கதாபாத்திரத்திற்கு நியாயம் சேர்க்கும் வகையில் நடித்திருக்கிறார். சப் இன்ஸ்பெக்டராக வரும் விக்ராந்த், படம் முழுக்க பயணித்து தனது கதாபாத்திரத்திற்கு பலம் சேர்த்திருக்கிறார். செளரப் அகர்வாலின் இசை ஓகே ரகம். எழுதி இயக்கியிருக்கும் எஸ்.சிவராமன், உண்மை சம்பவத்தை அடிப்படையாகக் கொண்டு, சஸ்பென்ஸ் திரில்லர் ஜானரை உணர்வுப்பூர்வமான படைப்பாக கொடுக்க முயற்சித்திருக்கிறார். மொத்தத்தில், ‘வில்’ ஒரு சிறப்பான படம்.