மதுரை. சென்னை. சேலம் உள்பட 6 மாவட்ட கலெக்டர்கள் மாற்றம் - தமிழக அரசு உத்தரவு

சென்னை : மதுரை, சென்னை, சேலம் உட்பட 6 மாவட்ட கலெக்டர்களை மாற்றி தமிழக அரசு நேற்று உத்தரவிட்டுள்ளது.

இதுகுறித்து தலைமை செயலாளர் வெளியிட்டு அறிவிப்பு வருமாறு:-

சென்னை மாவட்ட ஆட்சியர் சண்முகசுந்தரம், வேலூர் மாவட்ட ஆட்சியராக மாற்றம் செய்யப்பட்டுள்ளார். வேலூர் மாவட்ட ஆட்சியர் எஸ்.ஏ.ராமன் சேலம் மாவட்ட ஆட்சியராக மாற்றம் செய்யப்பட்டுள்லார். சேலம் மாவட்ட ஆட்சியர் ரோகிணி சென்னை இசைப் பல்கலைக் கழக பதிவாளராக மாற்றம் செய்யப்பட்டுள்ளார். அரியலூர் மாவட்ட ஆட்சியர் விஜயலட்சுமி திண்டுக்கல் மாவட்ட ஆட்சியராகவும், திண்டுக்கல் மாவட்ட ஆட்சியர் வினய் அரியலூர் மாவட்ட ஆட்சியராக மாற்றம் செய்யப்பட்டுள்ளார். தமிழக தேர்தல் ஆணைய செயலாளர் ராஜசேகர் மதுரை மாவட்ட ஆட்சியராக மாற்றம் செய்யப்பட்டுள்ளார்.