Idhayam Matrimony

கொரோனா வைரஸ் பரவலை தடுக்க செவ்வாய் முதல் நேர ஒதுக்கீடு பெற்ற பக்தர்களுக்கு மட்டும் அனுமதி - திருப்பதி தேவஸ்தானம் அறிவிப்பு

சனிக்கிழமை, 14 மார்ச் 2020      ஆன்மிகம்
Image Unavailable

திருப்பதி : கொரோனா வைரஸ் பரவுவதை தடுப்பதற்காக திருப்பதி ஏழுமலையான் கோவிலில் செவ்வாய்க்கிழமை முதல் நேர ஒதுக்கீடு பெற்ற பக்தர்களுக்கு மட்டுமே அனுமதி வழங்கப்படும் என தேவஸ்தானம் அறிவித்துள்ளது. இந்தியாவில் கொரேனா வைரஸ் பாதிப்பு 85 ஆக உயர்ந்துள்ளது. இதனால், பொதுமக்கள் அதிகம் கூடும் திருப்பதி, சபரிமலை உள்ளிட்ட முக்கிய கோயில்களில் பக்தர் வருவதை தவிர்க்குமாறு கோவில் நிர்வாகம் சார்பில் அறிவுறுத்தப்பட்டிருந்தது.

இந்நிலையில், திருப்பதி ஏழுமலையான் கோயிலில் வரும் செவ்வாய்க்கிழமை முதல் நேர ஒதுக்கீடு பெற்ற பக்தர்கள் மட்டுமே அனுமதி வழங்கப்படும் என தேவஸ்தானம் அறிவித்துள்ளது. ஒரு மணி நேரத்திற்கு 4 ஆயிரம் டிக்கெட்டுகள் மட்டும் வழங்கப்பட்டு காத்திருப்பு அறையில் காத்திருக்க வைக்காமல் நேரடியாக சுவாமி தரிசனத்துக்கு அனுமதிக்கப்படும். எனவே, ஏழுமலையான் கோவிலுக்கு வரக்கூடிய பக்தர்கள் கட்டாயம் அரசால் அங்கீகரிக்கப்பட்ட ஏதாவது ஒரு அடையாள அட்டையைக் கொண்டு வர வேண்டும் என்று அறிவுறுத்தப்பட்டுள்ளது. நீண்ட நேரம் ஒரே இடத்தில் காத்திருக்க கூடிய பூஜைகளான விசேஷ பூஜை ,ஆர்ஜித வசந்தோற்சவம், சகஸ்ர கலசாபிஷேகம் சேவையை தேவஸ்தான நிர்வாகம் ரத்து செய்துள்ளது. இந்த சேவை டிக்கெட்டுகளை முன்பதிவு செய்து பக்தர்களுக்கு மாற்று ஏற்பாடாக வி.ஐ.பி. தரிசனம் செய்து வைக்கப்படும் என்றும் தெரிவிக்கப்பட்டுள்ளது. கொரோனா பாதிப்பை குறைப்பதற்காக மார்ச் 19 முதல் 21-ம் தேதி வரை ஸ்ரீ ஸ்ரீனிவாசா சாந்தி உற்சவ தன்வந்திரி மகா யாகம் நடத்த முடிவு செய்யப்பட்டுள்ளதாகவும் தெரிவிக்கப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 8 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 8 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 9 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 9 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 11 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 11 months ago
View all comments

வாசகர் கருத்து