தமிழகம், புதுவையில் ராகுல் பிரச்சாரம்

சென்னை,ஏப்.- 5 - தமிழகம், புதுவையில் காங்கிரஸ் வேட்பாளர்களை ஆதரித்து அக்கட்சியின் பொதுச் செயலாளர் ராகுல் காந்தி வரும் 6 ம் தேதி மற்றும் 7 ம் தேதிகளில் பிரச்சாரம் மேற்கொள்கிறார். 6 ம் தேதி டெல்லியில் இருந்து விமானம் மூலம் தமிழகம் வரும் அவர் இளைஞர் காங்கிரஸ் மாநில தலைவர் யுவராஜாவை ஆதரித்து ஈரோட்டிலும், இளைஞர் காங்கிரஸ் அகில இந்திய பொதுச் செயலாளர் ஜோதிமணியை ஆதரித்து கரூரிலும், முன்னாள் மத்திய அமைச்சர் திருநாவுக்கரசரை ஆதரித்து அறந்தாங்கியிலும், விளாத்திகுளம் தொகுதியில் பெருமாள்சாமியை ஆதரித்தும் ராகுல் காந்தி பிரச்சாரம் செய்கிறார். தமிழகத்தில் பிரச்சாரம் முடித்துக் கொண்டு புதுச்சேரி செல்லும் அவர் 7 ம் தேதி காங்கிரஸ் வேட்பாளர்களை ஆதரித்து பிரச்சாரம் செய்கிறார்