தங்கம் விலை குறைவு

சென்னை, சென்னையில் ஆபரணத் தங்கத்தின் விலை சவரனுக்கு 800 ரூபாய் குறைந்து 53 ஆயிரத்து 200 ரூபாய்க்கு விற்பனையானது.

தைவான் நாட்டுடனான மோதலுக்கு தயாராகி வரும் சீனா, சர்வதேச அளவில் தங்கத்தை வாங்கி குவித்து வருகிறது. இதன் காரணமாக சர்வதேச சந்தையில் தங்கத்தின் விலை தொடர்ந்து அதிகரித்து வந்தது. கடந்த மார்ச் 1ம் தேதி முதல் தங்கத்தின் விலை இந்தியாவில் புதிய உச்சங்களை தொட்டு வருகிறது. கடந்த அட்சய திருதியை நாளன்று ஒரு சவரன் ஆபரணத் தங்கம் 55 ஆயிரம் ரூபாயை கடந்திருந்தது.

நேற்று வர்த்தக நேரம் துவங்கியதில் இருந்து தங்கத்தின் விலை சரியத் துவங்கியது. ஒரு கிராம் ஆபரணத் தங்கம் 100 ரூபாய் குறைந்து 6,650 ரூபாய்க்கு விற்பனையானது. ஒரு சவரன் ஆபரணத் தங்கம் 800 ரூபாய் குறைந்து 53 ஆயிரத்து 200 ரூபாய்க்கு விற்பனையானது. கடந்த 4 நாட்களில் மட்டும் ஒரு கிராம் ஆபரணத் தங்கம் 250 ரூபாயும், ஒரு சவரன் ஆபரணத் தங்கம் 2,000 ரூபாயும் விலை குறைந்துள்ளது.

வெள்ளியின் விலை நேற்று கிராமுக்கு 50 பைசா குறைந்துள்ளது. நேற்று முன்தினம் 97 ரூபாய்க்கு விற்பனையான ஒரு கிராம் வெள்ளி, நேற்று 96 ரூபாய் 50 பைசாவிற்கு விற்பனையானது. ஒரு கிலோ பார்வள்ளி 96 ஆயிரத்து 500 ரூபாய்க்கு விற்பனையானது.