அந்த 7 நாட்கள் விமர்சனம்

ஏழு நாட்களில் மரணிக்கப்போகும் தனது காதலியை நாயகன் காப்பாற்றும் கதைதான் அந்த 7 நாட்கள். நாயகன் அஜிதேஜுக்கு ஒரு விசித்திர சக்தி கிடைக்கிறது., அதன் மூலம் தனது காதலி ஸ்ரீஸ்வேதாவுக்கு மரணம் ஏற்படப் போவதை கண்டறிகிறார். அதில் இருந்து அவரை காப்பாற்ற முயற்சிக்கிறார். அவரது முயற்சி என்னவானது என்பது தான் ‘அந்த 7 நாட்கள்’. அஜிதேஜ் அறிமுக நாயகனாக இருந்தாலும், அதற்கான அடையாளமே தெரியாத வகையில் நடித்திருக்கிறார். நாயகி ஸ்ரீஸ்வேதா, தனது அருமையான நடிப்பை வெளிப்படுத்தி இருக்கிறார். கே.பாக்யராஜ், நமோ நாராயணன் உள்ளிட்ட அனைவரும் தங்கள் அனுபவ நடிப்பை கொடுத்துள்ளனர். சச்சின் சுந்தரின் இசை ஓகே. ரகம். நாயகன் மற்றும் நாயகி இருவரை சுற்றி மட்டுமே நடக்கும் படமாக இருந்தாலும், அதை சற்று சுவாரஸ்யமாக நகர்த்த பெரும் முயற்சி மேற்கொண்டுள்ளார் படத்தொகுப்பாளர் முத்தமிழன் ராமு. எழுதி இயக்கியிருக்கும் எம்.சுந்தர், காதல் கதையை த்றபோதைய தெருநாய்கள் கடி மற்றும் ரேபிஸ் நோய் தாக்கத்தை திரைக்கதையோடு பயணிக்க வைத்து அதிர்ச்சியளித்திருக்கிறார். இரண்டாம் பாதியில் ரேபிஸ் நோய் பற்றிய காட்சிகள் பீதியடைய செய்கிறது. மொத்தத்தில், ‘அந்த 7 நாட்கள்’ சுமார் ரகம்.