ஹசாரே போராட்டத்துக்கு ரஜினி ஆதரவு

சென்னை, டிச. 28 - அன்னா ஹசாரே உண்ணாவிரதப் போராட்டத்துக்கு நடிகர் ரஜினிகாந்த் ஆதரவு தெரிவித்துள்ளார். இதற்கு அடையாளமாக இந்திய ஊழல் எதிர்ப்பு இயக்கத்தினர் சார்பில் சென்னையில் நடைபெறும் உண்ணாவிரதப் போராட்டத்தை கோடம்பாக்கத்தில் உள்ள அவரது ஸ்ரீராகவேந்திரா கல்யாண மண்டபத்திலேயே இலவசமாக நடத்திக் கொள்வதற்கு ரஜினிகாந்த் அனுமதி அளித்துள்ளார். 

ஊழலுக்கு எதிராக போராடி வரும் அன்னா ஹசாரே வலுவான லோக்பால் மசோதாவை வலியுறுத்தி மும்பையில் நேற்று முதல் 3 நாட்கள் உண்ணாவிரதம் மேற்கொள்ளவிருக்கிறார். இந்த அமைப்பின் சென்னை கிளை சார்பில் 200 க்கும் மேற்பட்டோர் உண்ணாவிரதப் போராட்டத்தில் ஈடுபடுகின்றனர். இவர்களுக்கு ரஜினிகாந்த் ஆதரவு தெரிவித்துள்ளார். அண்மையில் ஹசாரே சென்னை வந்த போது ரஜினிகாந்த் அவருக்கு தொலைபேசியில் வாழ்த்து தெரிவித்ததாக கூறப்படுகிறது.