முக்கிய செய்திகள்
Idhayam Matrimony

மணவாளநகர் கே.இ.நடேச செட்டியார் அரசு மேல்நிலைப்பள்ளியில் குடற்புழு நீக்க மாத்திரைகள் வழங்கும் சிறப்பு முகாம்

சனிக்கிழமை, 11 பெப்ரவரி 2017      திருவள்ளூர்
Image Unavailable

திருவள்ளுர் மணவாளநகர் கே.இ.நடேச செட்டியார் அரசு மேல்நிலைப்பள்ளியி;ல் தேசிய குடற்புழுக்களை நீக்க நாளை முன்னிட்டு குடற்புழு நீக்க மாத்திரைகள் வழங்கும் சிறப்பு முகாம் மாவட்ட கலெக்டர் எ.சுந்தரவல்லி தலைமையில் நடைபெற்றது.மாவட்ட கலெக்டர் கூறியதாவது "குடற்புழுத்தொற்றினால் ஏற்படும் பாதிப்புகளான ஊட்டச்சத்து குறைபாடு, சோர்வு, சுகவீனம், பசியின்மை, இரத்த சோகை, குமட்டல், வயிற்று வலி, வயிற்றுப்போக்கு முதலிய பாதிப்புகளிலிருந்து குழந்தைகளைக் காப்பாற்ற நாடு தழுவிய குடற்புழு நீக்க நாள் சிறப்பு முகாம் அனைத்து அரசு, அரசு உதவி பெறும், தனியார் பள்ளிகள் மற்றும் அங்கன்வாடி மையங்களில் நடைபெறுகின்றது.

குடற்புழு நீக்கத்திற்காக அல்பெண்டசோல் மாத்திரைகள் அங்கன்வாடி மையத்தில் பதிவு செய்யப்பட்ட மற்றும் பதிவு செய்யப்படாத 1 முதல் 5 வயதுக்குட்பட்ட அனைத்து குழந்தைகளுக்கும், பள்ளிகளில் படிக்கும் (1 முதல் 12-ஆம் வகுப்பு வரை) குழந்தைகளுக்கும் வழங்கப்படும். 1 முதல் 2 வயதுக்குட்பட்ட குழந்தைகளுக்கு அல்பெண்டசோல் ½ மாத்திரை (200அப), 2 முதல் 19 வயதுவரை உள்ள குழந்தைகளுக்கு அல்பெண்டசோல் 1 மாத்திரை (400அப).திருவள்ளுர் மாவட்டத்தி;ல் குழந்தைகளுக்கு குடற்புழு நீக்க மாத்திரையான அல்பெண்டசோல் மாத்திரை அரசு மற்றும் அரசு உதவி பெறும் பள்ளிகளிலும், தனியார் பள்ளிகளிலும் , அங்கன்வாடி மையங்களிலும் ஆசிரியர்கள்,அங்கன்வாடி பணியாளர்கள் , சுகாதாரப் பணியாளர் மூலமாகவும் வழங்கப்படுகிறது. தேசிய குடற்புழு நீக்க நாளில் மாத்திரை பெற முடியாத குழந்தைகளுக்கு 15.02.2017 அன்று அனைத்து அரசு, அரசு உதவி பெறும், தனியார் பள்ளிகள் மற்றும் அங்கன்வாடி மையங்களில் வழங்கப்பட உள்ளது. குடற்புழு நீக்க மாத்திரை (அல்பெண்டசோல் மாத்திரைகள்) உட்கொண்டு குடற்புழு தொற்றினால் ஏற்படும் பாதிப்புகளிலிருந்து குழந்தைகள் பாதுகாக்க வேண்டும் " என்று கூறினார்.

இந்நிகழ்ச்சியில் துணை இயக்குநர் (மருத்துவ பணிகள்) மரு.ஜே. பிரபாகரன், பயிற்சி மருத்துவர் மரு.தீபலட்சுமி,பள்ளி தலைமை ஆசிரியை இரா.வெற்றிசெல்வி,கடம்பத்தூர் அரசு ஆரம்ப சுகாதார நிலைய மருத்துவர் டி.பிரதிபா, பள்ளி ஆசிரியர்கள் மற்றும் அரசு அலுவலர்கள் கலந்து கொண்டனர்.

 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தொண்டை வலி குணமாக | தொண்டைகரகரப்பு நீங்க | தொண்டை கட்டு | குரல் கம்மல் | தொண்டை எரிச்சல் 2 weeks 4 days ago மலச்சிக்கல் குணமாக | ஜீரண சக்தி உண்டாக | மலக்கட்டு நீங்க - சித்த மருத்துவ குறிப்புக்கள் 2 months 1 week ago சொறி, சிரங்கு, படை குணமாக | நரம்பு சிலந்தி | படர்தாமரை நீங்க | தோல் நோய் | குஷ்டம் குணமாக 2 months 1 week ago
காய்ச்சல் குணமாக | மலேரியா காய்ச்சல் | டைபாய்டு காய்ச்சல் குணமாக | பித்த ஜுரம் | சளி காய்ச்சல் குணமாக - சித்த மருத்துவ குறிப்புக்கள் 2 months 1 week ago பேதி நிற்க | சீதபேதி குணமாக | உஷ்ண பேதி | கழிச்சல் | இரத்த கழிச்சல் குணமாக 2 months 1 week ago கல்லடைப்பு தீர | சிறுநீரக கோளாறு நீங்க | சிறுநீரக கல் கரைய - சித்த மருத்துவ குறிப்புக்கள் 2 months 1 week ago