மாஸ்டர் திரைப்பட விமர்சனம்

லோகேஷ் கனகராஜ் இயக்கத்தில் விஜய் - விஜய் சேதுபதி இணைந்து நடித்து வெளியாகி இருக்கும் படம் மாஸ்டர். சிறுவர் சீர்த்திருத்த பள்ளியில் இருக்கும் மாணவர்களை தன்னுடைய ஆதாயத்துக்காக தவறான முறையில் பயன்படுத்தும் விஜய் சேதுபதியை ஒரு கல்லூரி பேராசிரியரான விஜய் தட்டி கேட்பது தான் மாஸ்டர் படத்தின் மையக்கரு.

இதை மூன்று மணிநேர சினிமாவாக மாற்றியதில் லோகேஷ் கனகராஜ் பல இடங்களில் ஜொலித்திருக்கிறார். கதைப்படி விஜய் ஹீரோவாக இருந்தாலும் படத்தின் நிஜ ஹீரோவாக படத்தையே தாங்கி நிற்கும் ஒரு கதாபாத்திரத்தில் அசத்தலாக நடித்திருக்கிறார் விஜய் சேதுபதி.

முதல் பாதியில் குடிக்கு அடிமையான பேராசிரியராகவும் இரண்டாம் பாதியில் சீர்த்திருத்த பள்ளி ஆசிரியராகவும் விஜய்க்கு இப்படத்தில் இரண்டு மாறுபட்ட கதாபாத்திரம் வழங்கப்பட்டுள்ளது.

படத்துக்கு படம் ஏதோவொரு அரசியலை முன்னிறுத்தி பேசும் விஜய்இ இந்த படத்தில் அரசியல் குறித்த விழிப்புணர்வு மாணவர்கள் மத்தியில் இருப்பதன் அவசியத்தை வலியுறுத்தி பேசியுள்ளார்.

மற்றபடி ஹீரோயின் உட்பட டஜன் கணக்கில் நடிகர்கள் இருந்தும் யாருடைய கதாபாத்திரமும் வலுவாக அமையவில்லை. படத்தின் இன்னொரு பலம் அனிருத்தின் பின்னணி இசை. மொத்தத்தில் மாஸ்டர் - அசத்தலான படம் என்று கூற முடியாவிட்டாலும் ஒரு ஆறுதலான படம் என்று கூறலாம்.