டப்பிங்கை நிறைவு செய்த சிபிராஜ்

சாகசப் பயணத்தை வெளிப்படுத்தும் த்திரில் படம் மாயோன் , இப்படத்தின் மோஷன் போஸ்டர் ரசிகர்களிடம் பெரும் வரவேற்பு பெற்றது. தற்போது இப்படத்தின் போஸ்ட் புரடக்சன் பணிகள் நிறைவடையும் தருவாயில் உள்ளது. சிபிராஜ் படத்தின் டப்பிங்கை செய்து முடித்துள்ளார். 

Double Meaning Productions  சார்பில் தயாரிப்பாளரும், திரைக்கதை எழுத்தாளருமான அருண்மொழி மாணிக்கம் கூறியதாவது.. திரைக்கதை எழுத்தாளராக,  மாயோனுடனான எனது பயணம், ஒரு தனித்துவமான, சிறப்பான அனுபவத்தை அளித்துள்ளது. 

இயக்குனர் கிஷோர் திரைக்கதையை சரியாக உள்வாங்கிகொண்டு,  சிறந்த தொழில்நுட்ப நேர்த்தியுடன், படத்தை வடிவமைத்திருப்பது மிகவும் மகிழ்ச்சியை தந்துள்ளது.  

இளையராஜா இப்படத்திற்கு இசையமைப்பது, எங்கள் குழுவினர் அனைவருக்கும் பெரும் உற்சாகத்தை அளித்துள்ளது.  "மாயோன்" எங்கள்  மொத்த குழுவினரும், மிகுந்த அர்ப்பணிபுடன் உருவாக்கியுள்ள படைப்பு என்றார்.