நேரடி வகுப்புகளில் கிடைக்கும் பயன் ஆன்லைன் கல்வி தராது: முதல்வர் மு.க.ஸ்டாலின் பேச்சு

அ+ அ-

Source: provided

சென்னை : நேரடி வகுப்புகள் தரும் பயனை ஆன்லைன் கல்வி தராது என்று இல்லம் தேடி கல்வி திட்டத்தை தொடங்கி வைத்த முதல்வர் மு.க.ஸ்டாலின் பேசியுள்ளார்.

முதல்வர் இல்லம் தேடி கல்வித் திட்டத்தை விழுப்புரம் மாவட்டம் மரக்காணத்தில் நடைபெற்ற நிகழ்ச்சியில் நேற்று தொடங்கி வைத்தார். பின்னர் அந்த நிகழ்ச்சியில் பேசிய முதல்வர் ஸ்டாலின், “இல்லம் தேடி கல்வித் திட்டம் லட்சக்கணக்கான மாணவர்களுக்கு கல்வி புகட்டும். நேரடி வகுப்புகள் தரும் பயனை ஆன்லைன் கல்வி தராது. மாநில சுயாட்சி மத நல்லிணக்கம் போன்ற பல செயல்களை செய்துவரும் நிலையில்தான் இல்லம் தேடி கல்வித் திட்டங்களையும் கொண்டு வருகிறோம்.

திராவிடம் என்றால் என்ன என்று சில கோமாளிகள் பேசி வருகிறார்கள். இதுபோன்ற திட்டங்கள்தான் திராவிடம். ஒரு காலத்தில் இன்னார்தான் படிக்க வேண்டும் இன்னார் படிக்கக்கூடாது என்று இருந்த நிலையை மாற்றிய ஆட்சி, திராவிட ஆட்சி. ஏழை எளிய விளிம்புநிலை மக்கள் மற்றும் பட்டியலின பழங்குடியின மக்களுக்கு பலத் திட்டங்களை இந்த அரசு செயல்படுத்தி வருகிறது” என்றார்.

இதை ஷேர் செய்திடுங்கள்:

வீடியோ

மாணவர்ளின் ஜீப்பை பந்தாடிய யானை...!	எரிமலை விளிம்புக்குள் பறந்து திரும்பிய விமானி...!	வரவேற்புக்கு பொக்லைனில் வந்த புதுமணத் தம்பதி டிரைவர் செய்த தவறால் புதுமணத் தம்பதிக்கு நேர்ந்த கதி.!
வெள்ளை படுதல் குணமாக 5 எளிய மருத்துவ முறைகள்\|Vellai Paduthal 5 Tips \| P. புஷ்பமாரி சித்த மருத்துவர்	முழங்கால் அளவு மழை நீரில் மிதந்த அரசு மருத்துவமனை...!	சர்ச்சையை கிளப்பிய பாகிஸ்தான் மாடல் அழகியின் வீடியோ...!