தமிழகத்தில் 2-வது நாளாக குறைந்த கொரோனா பாதிப்பு

தமிழகத்தில் 23,975- பேருக்கு கொரோனா உறுதி செய்யப்பட்ட நிலையில், நேற்று சற்று குறைந்து பதிவாகியுள்ளது. புதிதாக 23,443 கொரோனா தொற்று உறுதியாகி உள்ளது.

தமிழகத்தில் கொரோனா பாதிப்பு விவரத்தை மருத்துவத்துறை மற்றும் மக்கள் நல்வாழ்வுத்துறை வெளியிட்டுள்ளது. அதன் விவரம் வருமாறு: தமிழகத்தில் மேலும் 23,443- கொரோனா தொற்று உறுதி செய்யப்பட்டுள்ளது. இதுவரை கொரோனா பாதித்தவர்கள் எண்ணிக்கை 29 லட்சத்து 63 ஆயிரத்து 366- ஆக உயர்ந்துள்ளது.  

கொரோனா பாதிப்பில் இருந்து மேலும் 13,551- பேர் குணம் அடைந்துள்ளனர். கொரோனா பாதிப்பால் ஒரே நாளில்  20 பேர் உயிரிழந்துள்ளனர். தொற்று பாதிப்பைக் கண்டறிய  1 லட்சத்து 40 ஆயிரத்து 268- மாதிரிகள் பரிசோதிக்கப்பட்டுள்ளன.  சென்னையில் மேலும் 8,591- பேருக்கு  தொற்று  உறுதி செய்யப்பட்டுள்ளது.