பியூட்டி விமர்சனம்

அழகற்ற பெண்ணை திருமணம் செய்து கொள்ள வேண்டும் என்ற தனது தந்தையின் சொல்லை வேதவாக்காக எடுத்துக்கொண்டு, தீக்காயத்தால் முகம் சிதைந்து போன நாயகியை காதலிக்கிறான் நாயகன். ஆனால் நாயகி தன் தோற்றத்தை அறுவை சிகிச்சை மூலம் அழகாக மாற்றிக் கொண்டு, அவனை காதலிக்கத் தொடங்குகிறார். காதலி அழகாக மாறியவுடன்.. அவளுடைய அழகான தோற்றத்தை மனதளவில் ஏற்க முடியாமல் தடுமாற்றம் அடைகிறார் நாயகன். அழகை பற்றி தவறான புரிதலை தன்னுள் கொண்டிருக்கும் நாயகனின் மனதை மாற்றி, நாயகி நாயகனின் கரத்தை பிடித்தாரா? இல்லையா? என்பதுதான் பியூட்டி படத்தின் திரைக்கதை. நாயகன் ரிஷி தந்தை - மகன் என இரண்டு வேடத்தில் அற்புதமாக நடித்திருக்கிறார். சிங்கமுத்து குணச்சித்திர வேடத்தில் நடித்திருக்கிறார். உச்சகட்ட காட்சி சுவராசியமான திருப்புமுனை. ஒளிப்பதிவு, பாடல்கள், இசை, பின்னணி இசை சினிமாவிற்கான அடிப்படைத் தரத்தில் அருமையாக அமைந்திருக்கிறது. மொத்தத்தில் பியூட்டி ஈஸ் எ பியூட்டி.