புனித திருவள்ளுவர் மண்ணில் தாமரை மலரும்: சி.டி. ரவி

சென்னை:புனித திருவள்ளுவர் மண்ணில் தாமரை மலரும் என்று பா.ஜ.க. மேலிட பொறுப்பாளர் சி.டி. ரவி தெரிவித்துள்ளார். 

பா.ஜ.க. உடனான கூட்டணியை அ.தி.மு.க. முறித்துக் கொண்டது. அக்கட்சியின் பொதுச்செயலாளர் எடப்பாடி பழனிசாமி தலைமையில் நடந்த மாவட்ட செயலாளர்கள், எம்.பி., எம்.எல்.ஏ.க்கள் கூட்டத்தில் இந்த முடிவு எடுக்கப்பட்டு அதிகாரப்பூர்வமாக அறிவிக்கப்பட்டது 

இந்த நிலையில், புனித திருவள்ளுவர் மண்ணில் தாமரை மலரும் என தமிழக பா.ஜ.க. மேலிடப் பொறுப்பாளர் சி.டி.ரவி அவரது டுவிட்டர் தளத்தில் பதிவிட்டுள்ளார். மேலும் தமிழகத்தில் பா.ஜ.க. பெரிய அளவில் வளர்ச்சி பெறும் என அவர் தெரிவித்துள்ளார். 

பா.ஜ.க.வுடன் கூட்டணி இல்லை என அ.தி.மு.க. திட்டவட்டமாக அறிவித்த நிலையில் சி.டி.ரவி சமூக வலைதளத்தில் பதிவிட்டுள்ளது பரபரப்பை ஏற்படுத்தியுள்ளது.