தங்கம் விலை சற்று உயர்வு

சென்னை, தங்கம் விலை நேற்று சற்று உயர்ந்து விற்பனையானது.ஆபரணத் தங்கம் கிராமுக்கு ரூ.10 உயர்ந்து ரூ.6,700-க்கு விற்பனையானது. 

தங்கம் விலை கடந்த மாதத்தில் கிடுகிடுவென அதிகரித்து ஒரு சவரன் ரூ.55 ஆயிரத்தை கடந்தது. நடுத்தர மற்றும் ஏழை, எளிய மக்களுக்கு எட்டாக் கனியாகிவிடும் என்று நினைக்கத் தோன்றும் அளவுக்கு தங்கம் விலை தொடர்ந்து அதிகரித்தது. இந்த நிலையில் அட்சய திருதியை முன்னிட்டு தங்கம் விலை ஒரே நாளில் மூன்று முறை அதிகரித்து அதிர்ச்சியளித்தது. நேற்று முன்தினம் தங்கம் விலை சவரனுக்கு ரூ.40 குறைந்த நிலையில், நேற்று சற்று உயர்ந்தது.

அதன்படி, சென்னையில் 22 கேரட் ஆபரணத் தங்கத்தின் விலை நேற்று சவரனுக்கு ரூ.80 உயர்ந்து ரூ.53,600-க்கு விற்பனையானது. ஆபரணத் தங்கம் கிராமுக்கு ரூ.10 உயர்ந்து ரூ.6,700-க்கு விற்பனையானது. வெள்ளி விலை கிராமுக்கு 1 ரூபாய் 50 காசுகள் உயர்ந்து ரூ.97.10-க்கு விற்பனையானது.