டெல்லியை ஆட்சி செய்ய பா.ஜ.க.வில் ஆளில்லை: அதிஷி

டெல்லி : டெல்லியில் தேர்தல் முடிவுகள் வெளியாகி 10 நாட்களாகும் நிலையில் முதல்வர் மற்றும் அமைச்சரவை குறித்த பா.ஜ.க. அறிவிக்க வில்லை என்று அதிஷி தெரிவித்துள்ளார்.

தேர்தல் முடிவுகள் வெளியாகி கிட்டத்திட்ட 10 நாள்கள் ஆகிறது. முதல்வர் மற்றும் அமைச்சர்களின் பெயர்களை பிப். 9ஆம் தேதியே பாஜக அறிவித்து, வளர்ச்சிக்கான பணிகளை தொடங்கும் என்றும் மக்கள் எதிர்பார்த்தார்கள். ஆனால், பா.ஜ.க.வில் டெல்லியை ஆட்சி செய்வதற்கான ஆட்கள் இல்லை என்பது தற்போது தெளிவாகியுள்ளது. 48 பேரில் ஒருவரையும் பிரதமர் மோடிக்கு நம்பவில்லை. பாஜகவிடம் தொலைநோக்கு பார்வையோ திட்டமிடலோ இல்லை. அவர்கள் அனைவரும் டெல்லி மக்களை கொள்ளையடிப்பார்கள் என்று பா.ஜ.க.வுக்கு தெரியும். அரசை நடத்த திறன் கொண்டவர்கள் யாரும் இல்லையென்றால், மக்களுக்கான பணிகளை எப்படி செய்வார்கள்? என விமர்சித்துள்ளார்.