சாண்டி புயலால் அமெரிக்க அதிபர் தேர்தல் பிரச்சாரம் பாதிப்பு

நியூயார்க், அக்.- 29 - அமெரிக்க அதிபர் தேர்தலுத்தான வாக்குப் பதிவு நெருங்கிவிட்ட நிலையில் ஒபாவும், ரோம்னியும் இறுதிக் கட்டதேர்தல் பிரசாரத்தில் ஈடுபட்டு வருகின்றனர். இந்நிலையில் ஜமைக்காவில் உருவான சாண்டி புயல் அதிபர் தேர்தலே பிரச்சாரத்தை முடக்கிப்போட்டுள்ளது. அமெரிக்காவில் அதிபர் தேர்தலுக்கான வாக்குப் பதிவு அடுத்தமாதம் 6-ம் தேதிநடைபெற உள்ளது. கரீபியன் கடற்பரப்பில் உருவாகியுள்ள சாண்டி புயல் ஜமைக்கா, கியூபா ஆகிய நாடுகளில் பெரும் சேதத்தை ஏற்படுத்தியுள்ளது.இந்த புயல் அமெரிக்காவின் கிழக்குக் கடற்கரை பகுதியை நோக்கி நகர்ந்துள்ளதால் வெர்ஜினியா, மெரிலாந்து, புளோரிடா மாகாணங்களை தாக்கும் நிலை உள்ளதால் தேர்தல் பிரச்சாரம் பாதிக்கப்பட்டுள்ளது.