சென்னை, செப். 20 - சென்னை சேப்பாக்கத்தில் உள்ள எழிலகம் வளாகத்தில் மகளிர் ஆணைய அலுவலகம் செயல்பட்டு வருகிறது. மிக பழமையான இந்த கட்டிடத்தில் அடிக்கடி விரிசல் ஏற்பட்டு சரி செய்யப்பட்டு வருகிறது. இந்நிலையில், நேற்று பிற்பகல் மகளிர் ஆணைய அலுவலகத்தில் ஊழியர்கள் பணியில் ்டுபட்டிருந்தபோது, திடீரென கட்டிடம் இடிந்து விழுந்தது. 

மேற்கூரை இடிந்து விழுந்ததால் அதிர்ச்சியடைந்த ஊழியர்கள் அங்கிருந்து அலறியடித்துக்கொண்டு வெளியேறினர். இதுபற்றி தகவல் அறிந்த தீயணைப்பு மற்றும் மீட்பு படையினர் சம்பவ இடத்திற்குச் சென்று மீட்பு பணியில் ஈடுபட்டனர். அதிர்ஷ்டவசமாக இந்த விபத்தில் ஊழியர்களுக்கு பாதிப்பு இல்லை.

இந்த சம்பவத்தையடுத்து மகளிர் ஆணைய ஊழியர்கள் ஆர்ப்பாட்டத்தில் ்டுபட்டனர். அப்போது தங்களுக்கு உரிய பாதுகாப்பு வழங்க வேண்டும் என அவர்கள் வலியுறுத்தினர். இந்த சம்பவத்தால் எழிலகம் வளாகத்தில் பரபரப்பு ஏற்பட்டது.