ரூ.4 ஆயிரம் கோடி செலவு குறித்து விவாதிக்க தயார் : அமைச்சர் மா.சுப்பிரமணியன் பேட்டி

சென்னை : ரூ.4 ஆயிரம் கோடி செலவு செய்தது எப்படி? என்பது குறித்து மீடியா, அரசியல் தலைவர்கள் யாராக இருந்தாலும் வாங்க விவாதிக்க நான் தயாராக உள்ளேன் என சுகாதார துறை அமைச்சர் மா.சுப்பிரமணியன் நிருபர்கள் சந்திப்பில் கூறினார்.

மேலும் அவர் கூறியதாவது: இயல்பை விடவும் அதிகமான மழை பெய்து இருப்பதாக வானிலை மையமே அறிவித்துள்ளது. மழை வெள்ளம் பாதித்த பகுதிகளில் தொடர்ந்து மருத்துவ முகாம்கள் நடத்தப்படும். எதிர்க்கட்சிகள் மக்களை தூண்டி விட்டு வீடியோவாக வெளியிடுகின்றனர்.

எதிர்க்கட்சிகள் மழை, புயல் வெள்ளத்தை அரசியல் ஆக்க வேண்டாம். பாதிக்கப்பட்ட பகுதிகளில் மக்களை சந்தித்தோம். மக்கள் முகத்தில் கோபம் தெரியவில்லை. சென்னை வடிகால் பணிகளுக்காக ரூ.4 ஆயிரம் கோடி செலவு செய்தது எப்படி?. மீடியா, அரசியல் தலைவர்கள் யாராக இருந்தாலும் வாங்க விவாதிக்க நான் தயாராக உள்ளேன். இவ்வாறு அவர் கூறினார்.