கார் கவிழ்ந்தன் மர்மம் - நடிகர்கள் எஸ்கேப்....!

சென்னை, பிப்.27 - சென்னை தி.நகரில் சாலையில் காங்கிரஸ் எம்.எல்.ஏ. கார் கவிழ்ந்து கிடந்ததுள்ளது. காரில் இருந்த எம்.எல்.ஏ.வின் மகனும், உடன் வந்த நடிகரும் ஓடி விட்டதாக கூறப்படுகிறது. இதுபற்றிய விபரம் வருமாறு:-

 சென்னை தி.நகர் வடக்கு உஸ்மான் சாலை-பசுல்லா சாலை சந்திப்பில் நேற்று முன்தினம் இரவு பி.எம்.டபிள்யூ. கார் ஒன்று கவிழ்ந்து கிடந்தது. இதுபற்றி போலீசாருக்கு தகவல் கிடைத்து கார் அருகில் வந்து விசாரித்தனர். விசாரணையில் அந்த கார் நாங்குனேரி தொகுதி காங்கிரஸ் எம்.எல்.ஏவும், பிரபல தொழில் அதிபருமான வசந்தகுமாருக்கு சொந்தமானது என தெரிய வந்தது. அந்த காரில் அவரின் மகனும், நடிகருமான விஜி (எ) விஜயகுமாரும், கங்கை அமரனின் மகன் பிரேம்ஜியும் இருந்ததாக கூறப்படுகிறது. 

இவர்கள் இருவரும் போதையில் இருந்ததாகவும் கூறப்படுகிறது. பி.எம்.டிபிள்யூ. காரை யாரும் கவிழ்க்க முடியாது என்று கூறுவார்களாம். ஆனால் போதையில் கார் டிரைவரை உசுப்பேத்தி வேகமாக ஓட்ட வைத்து அதனால் கார் கவிழ்ந்திருக்கலாம் என்று கூறப்படுகிறது. விபத்தில் காயமடைந்த டிரைவர் அக்பர் அலியிடம் போலீசார் தொடர்ந்து விசாரணை நடத்தி வருகிறார்கள்.