முக்கிய செய்திகள்
Idhayam Matrimony
முகப்பு

சிக்கன் மோமோஸ்

Cooking time in minutes: 
30
Ingredients: 

 

சிக்கன் மோமோஸ் செய்யத் தேவையான பொருள்கள்; 

  1. சிக்கன் - 200 கிராம் (எலும்பு இல்லாத கறி ).
  2. பச்சைமிளகாய் - 2.
  3. வெங்காயம் - 2.
  4. இஞ்சி பூண்டு விழுது  - 1 ஸ்பூன்.
  5. சோயா சாஸ் - 1/2 ஸ்பூன்.
  6. கேரட் - 1.
  7. மிளகாய் தூள் - 5 கிராம்.
  8. உப்பு - தேவையான அளவு.
  9. எண்ணெய் - 1/2 லிட்டர்.
  10. மஞ்சள் தூள் -5 கிராம்.
  11. மைதா - 100 கிராம்.
  12. மிளகுத்தூள் – 5 கிராம்.
  13. தக்காளி சாஸ் 1 ஸ்பூன்.
Method: 

 

செய்முறை ; 

  1. மிஸ்சி ஜாரில் சுத்தம் செய்த 200 கிராம் சிக்கனை போட்டு நன்றாக அரைத்துக்கொள்ளவும்.
  2. ஒரு பாத்திரத்தில் 100 கிராம் மைதா மாவு மற்றும் தேவையான அளவு உப்பு போட்டு சிறிதளவு தண்ணீர் ஊற்றி பூரிக்கு பிசைவது போல மாவை பிசைந்து கொள்ளவும்.
  3. அடுப்பில் கடாய் வைத்து 3 ஸ்பூன் எண்ணெய் ஊற்ற வேண்டும்.
  4. எண்ணெய் சூடானவுடன்,ஒரு ஸ்பூன் இஞ்சி,பூண்டு விழுது  போட்டு வதக்கவும்.
  5. இதனுடன் பொடியாக நறுக்கிய 2 பச்சை மிளகாய்,பொடியாக நறுக்கிய 2 வெங்காயத்தை போட்டு 2 நிமிடம் நன்றாக வதக்கவும்.
  6. பொடியாக நறுக்கிய ஒரு கேரட், மற்றும் அரைத்து வைத்துள்ள 200 கிராம் சிக்கனை போட்டு வதக்கவும்.
  7. இதனுடன் மிளகுத்தூள்  5 கிராம்,மிளகாய் தூள்  5 கிராம், மஞ்சள் தூள் 5 கிராம், சோயா சாஸ் - 1/2 ஸ்பூன்,தக்காளி சாஸ் 1 ஸ்பூன்,மற்றும் தேவையான அளவு உப்பு போட்டு வதக்கவும்.
  8. நன்றாக வதங்கி விட்டது,இப்போது அடுப்பில் இருந்து இறக்கி விடலாம்.
  9. பிசைந்து வைத்துள்ள மைதாமாவை பூரிக்கு தட்டுவது போல தயார் செய்து வைத்துக்கொள்ளவும்.
  10. தயார் செய்து வைத்துள்ள சிக்கன் கலவையை மைதாமாவின் நடுவில் வைத்து அனைத்து ஓரங்களையும் சேர்த்து மேல் உள்ள சிறிது மாவை எடுத்து விட வேண்டும்.
  11. இதே போல் அணைத்து மாவையும் தயார் செய்து வைத்துக்கொள்ளவும்.
  12. அடுப்பில் கடாய் வைத்து 500 மில்லி எண்ணெய் ஊற்ற வேண்டும்.
  13. எண்ணெய் சூடானவுடன் தயார் செய்து வைத்துள்ள மாவை ஒவ்வொன்றாக எண்ணெயில் போட்டு வறுக்கவும்.
  14. நன்றாக பொரிந்து விட்டது எடுத்து விடலாம்.
  15. சுவையான சிக்கன் மோமோஸ் ரெடி.

 

 

 

இதை ஷேர் செய்திடுங்கள்:

Idhayam Matrimony

கிட்சன் சமையல் - ருசித்து பாருங்க!!